In English

En français

Говорот
на Судбината

Барате одговор на некое прашање? Треба нешто да одлучите а немате со кого да се посоветувате?
 
Кликнете на Книгата...

Останати теми:

Во потрага по идеален сопруг

Како знаците сакаат и мразат

Знаците и бракот

Знаците и индивидуалноста во врските

Знаците како родители

Знаците и верноста

Знаците и кристалите

Знаците и парите

Знаците и забавата

Знаците и изборот на професијата

Знаците и модата

Знаците и патувањата

Знаците и возењето

Знаците и спортот

Знаците и Новогодишната ноќ

Знаците и подароците

Знаците и секојдневните обврски

Знаците и традицијата

Знаците, комуникацијата и телефонот

Знаците и изборот на литература

Знаците и летувањето

Знаците и екологијата

Знаците и храната

Знаците и храната
 

Овен

Поканата на ручек или на вечера,отсекогаш била најдобриот начин за зацврстување на деловните,пријателските и љубовните врски. Па,ако гостинот што го очекувате е роден во знакот на Овенот, тогаш опуштете се.

“Некакво месо, два вида зеленчук, без слатки”, тоа е она што тој би сакал да го види на трпезата. И не мачете се околу декорирањето на храната. Брз, нервозен и нестрплив, тој ќе го проголта сето она што ќе му го принесете на маса, уште пред вие воопшто да седнете. Сепак, имајте на ум дека Овенот има потреба од таканаречената “храна за мозок” каква што е рибата и дека неговите бубрези реагираат веднаш на претераното пиење.

Но, ако вашето срце го освои жената родена во знакот Овен, тогаш кажете и “збогум” на домашно зготвената храна, бидејќи готовите, полуготовите јадења и сендвичите ќе бидат на вашето “мени” секојдневно.

Бик

Ако дознаете дека гостинот што го поканивте на ручек е роден во знакот Бик, тогаш ќе сфатите што значи “да си ја земете бељата на врат”. Како поданици на Венера, Биковите уживаат во земните задоволства и се најголемите гурмани во Зодијакот. Па, се што не е пржено, зачинето, кремасто, се што не содржи месо и компир, за нив не е вистинско јадење. Меѓутоа, колку што им е значаен квалитетот, исто толку им значи и квантитетот на принесената храна. А потоа нормално, се жалат на вишокот килограми. Ако сакате да освоите некој Бик, искористете го сознанието дека Биковите ја застапуваат идејата “љубовта доаѓа од стомакот”. Така, прво подгответе му на Бикот различни макала и мезиња. Потоа, дотрчајте со сочен бифтек. Колачот со ореви и многу чоколада сигурно ќе го остави без здив. И сето тоа залејте го со добро вино. И уште нешто: не заборавајте дека Биковите уживаат да мезат и јадат со часови. Во спротивно, проблемите со дигестијата ќе ви го расипат расположението и вам и на вашиот Бик.

Близнаци

Шведската маса веројатно е изум на некој претставник на брзите, нервозни, немарни, но дружељубиви Близнаци. Имено,тие уживаат кога можат од се да пробаат по малку и постојано нешто да грицкаат. А, бидејќи брзо губат интерес за нештата околу себе, ќе ги смирите и подолго ќе ги задржите покрај масата, со храна што го содржи витаминот Б, кој поволно влијае на нервите.

Но, пред да и го подарите своето срце на жената Близнаци ќе мора да прифатите дека времето поминато во кујна за неа е бадијала потрошено време.

Рак

Тие уживаат во домашната атмосфера, во семејните прослави околу богатата трпеза, на цел глас ги фалат “сармичките и питите на мама”, пробуваат од храната додека ја готват. А, кога се незадоволни во љубовта најчесто стануваат робови на храната. Но, Раковите имаат и друг проблем. Нивниот организам ги задржува течностите, па затоа нивната кожа е мека и надуена како перниче. Значи, ако “патот до срцето” на еден Рак го барате преку храната, тогаш не помислувајте ниту на сон да го изненадите со специјалитети од кујната на неговата мајка. Неуспехот е загарантиран! Подобро е да му принесете пет помали оброци, отколку три главни. А, тие нека содржат храна богата со јод, риба, зелена салата, млечни производи. Но, за да биде вечно ваш, ручекот завршете го со сладолед, палачинки и кафе.

Лав

Ви соопштуваат дека личноста од која што ви зависи работата е родена во знакот Лав. Тогаш не двоумете се. Нејзината суета ќе попушти кога ќе ја однесете во некој отмен ресторан. Но, ако е тоа невозможно и ако ручекот го подготвувате дома, тогаш имајте предвид дека на Лавот не му е доволна само одличната храна, туку се мора да делува кралски, од атрактивно сервираната храна, златниот или сребрен прибор за јадење, кристалните чаши, скапото вино, па се до цвеќето на масата. А, кога на Лавот ќе му покажете посебна чест и ќе го сместите на челото на масата, тогаш сигурно ќе добиете се што од него ќе посакате. Лавот умее тоа да го цени, па освен што ќе ги пофали вашите кулинарски вештини пред останатите гости, бидете сигурни дека вашата работа ќе биде завршена веќе утре.

Девица

Педантни, ситничари и со чувствителен стомак, Девиците се еден од најпробирливите знаци по прашање на храната. Па, многумина од нив се вегетаријанци и се снабдуваат од продавниците за здрава храна. Додека броењето на калориите и витамините не им претставува никаков проблем. “Се мора да се изеде, тоа е здраво” е реченицата која најчесто излегува од устата на мајките Девици. И можеби тие не се креативни готвачки, и можеби се придржуваат до проверените рецепти, но сто пати ќе ги измијат тенџерињата, рацете и храната пред да започнат да ја подготвуваат. Партнерот Девица ќе го освоите со беспрекорно чистите чаршафи, чаши и прибор за јадење. А, тој ќе “падне пред вас на коленици” по пробаниот сос од исецкан босилек, лук, пармезан, овчо сирење и маслиново масло.

Вага

Оние што добро ги познаваат за нив велат дека “нивните очи се поголеми од стомакот”. А, како вистински хедонисти, Вагите се трудат да ги задоволат сите сетила. Па, сетилата за вид и допир ги задоволуваат со убаво поставената маса прекриена со ленен или свилен чаршав и со убаво обликуваниот прибор за јадење. И сето тоа во пастелни бои. Сетилата за мирис и вкус ги задоволуваат со вешто искомбинираната храна. А, сетилото за слух со тивката музика, ѕвецкањето на чашите, на приборот за јадење и со наздравувањето. Значи, Вагата гостин повеќе внимава на формата отколку на содржината. Па, ја одушевува се што е покриено со желатин. А сигурно ќе “изгуби глава” кога на крајот од јадењето ќе и понудите едно прекрасно, симетрично и воздушесто парче “тирамису”.

Шкорпија

Тие секогаш знаат точно што сакаат, а што не сакаат. А, храната ја сметаат како вовед во љубовната игра. Затоа умеат со истото уживање да јадат и во најобичната биртија и во најлуксузниот ресторан. Но, само оние што излегле на вечера со една Шкорпија, потоа со денови го прераскажуваат тоа прекрасно и возбудливо искуство. Шкорпијата не штеди на ништо, затоа со неа се јаде и се пие до изнемоштеност. А, ако вашата идеа е да и се вовлечете под кожа на некоја Шкорпија, тогаш започнете го ручекот со салата од морски плодови. Изберете соодветно и квалитетно вино и беспрекорно испланирајте ја целата програма до крај. Бидејќи Шкорпијата по природа е гурман, но има и одлично око за детали.

Стрелец

Како луѓе со спортски дух, кои под влијанието на Јупитер имаат потреба од слобода, престој на отворено и патувања, Стрелците секогаш се во потрага по нови вкусови. Значи, нив би можеле да ги маѓепсате со мексиканска храна, со јапонски специјалитети од риба, со тартуфо приготвено на различен начин. Но, ако имате проблеми со “длабочината на џебот” тогаш препуштете и се на фантазијата и на веќе познатите јадења ставете им необични имиња како на пример, аргентинско рижото или бразилска салата. А, откако заведувањето ќе успее, никако, ни по цена на мачење, не признавајте му ја на својот Стрелец измамата.

Јарец

Поради вродената скржавост и преоптовареност со работата, Јарците гости не се тежок предизвик. И пред просечната вечера паѓаат како покосени. Од глад, се разбира. Но, не заборавајте дека токму тие кои ја сакаат традиционалната, класична и едноставна храна, се најголемите месари во Зодијакот. Дали заради слабата циркулација или заради фактот што “машината” која работи цел ден треба да биде исполнета со тешко согорливо и високо калорично гориво. И уште нешто. Јарците “душа даваат” за принцес-крофните.

Водолија

Во нивните редови може да се најде се, од луѓе кои уживаат во храната, луѓе кои јадат само да преживеат, многу вегетаријанци, до теоретичари на исхраната. Но, едно е сигурно, Водолиите ја сакаат егзотичната храна, необичните јадења, продуктите од сите краишта на светот, експериментирањето во готвењето. Сепак, ако се во финансиска можност, тие најчесто ангажираат професионални готвачи да се грижат за нивните оброци. А, во недостиг на пари, секогаш можат да се потпрат врз помошта на мајката и свекрвата. И на крајот, не заборавајте ја дружељубивата жичка во карактерот на една Водолија. Затоа таа ќе биде ваша кога покрај неа, вие со радост ќе ја нахраните и ордата нејзини пријатели и познајници.

Риби

Веројатно, народното јадење “риба и компир” го смислил некој претставник на овој знак. Но, сигурно е дека повторно некој претставник на Рибите ги внел во исхраната и ракчињата и школките. А, бидејќи филозофијата на Рибите гласи “јади, пиј и биди среќен” вљубената Риба мисли само на јадењето, пиењето, музиката, танцувањето и на објектот на своите желби. Значи кога на вечера поканувате претставник на знакот Риби, изгасете ги сите светла, запалете свеќи, индиски стапчиња или темјан. Па кога во него ќе проработи потребата за романтика, доволно ќе биде чаша црвено вино и салата од морски плодови за тој да почне да ви “симнува ѕвезди”...

 

 
 
Регистрирано во Македонска Авторска Агенција
под реден број 970 Скопје
 
Ниту еден дел од овој текст не смее да биде препечатуван, копиран или објавуван во било која форма или на било кој начин во електронските или печатените медиуми, без писмена согласност од авторот.
Недозволеното репродуцирање се казнува со закон.
 

Изгледот на страницата одговара за Лавовите. За да изберете друг изглед на страницата, кликнете во табелата што се наоѓа погоре.


Дознајте дали сте типичен претставник на вашиот знак.
Направете го овој тест.


Вашата Натална Карта на Астроскопиа ќе ви помогне

радикално да го подобрите вашиот животВашата Натална Карта на Астроскопиа ќе ви открие на кои болести сте склони и зошто. Па, откако ќе ги победите причините, ќе исчезнат и негативните последици по вашето здравје.


Навистина овој хороскоп не е клише како многу други. Овој хороскоп баш ти дава одговори за тоа кој си бил, каков си и што треба да правиш за да станеш подобра личност. 

Деја З.К.


Зачленете се тука за да можеме да ве информираме секогаш кога ќе имаме нешто ново.


Општи прашања и коментари за Астрологот. (Доколку имате лични прашања, одете на страницата Совети.)


© 2005-2024
Виолета Марсол
Сите права се задржани

Насловна страна |  Знаците и... | АстроПортети | Натална Карта | Детски Хороскоп | Љубовен Хороскоп | Бизнис Хороскоп | АстроСовети

Насловна страна АстроПортети Натална Карта Детски Хороскоп Љубовен Хороскоп Бизнис Хороскоп АстроСовети Овен Бик Близнаци Рак Лав (тековен стил) Девица Вага Шкорпија Стрелец Јарец Водолија Риби