Или пак сте од оние луѓе кои, како добриот стар Јунг, сметаат дека средбата меѓу две личности наликува на контакт меѓу две хемиски супстанци: ако има некаква реакција, двете излегуваат од неа променети?

Во која група и да припаѓате, драги мои, имате право.

Но, ајде сега овие правила да ги пренесеме на глобално ниво. Ако имаме две планети, едната е Јупитер, планетата на среќата и благосостојбата, а другата е Плутон, планетата на моќта, потсвеста, подземниот свет и трансформациите, во периодот од 7 до 25 ноември, кога тие ќе имаат близок контакт (ќе бидат во иста линија), на површина ќе излезе само најдоброто од двете. Конечно...Ураааа...

Испреплетеноста на вибрациите на Јупитер и Плутон би требало да не направат пофокусирани на целта. Па, и покрај негативното опкружување и неповолното влијание на останатите чинители, и на небото и на Земјата, сите ние ќе имаме ситуации, шанси или средби со луѓе, кои би можеле да предизвикаат позитивен пресврт во некој аспект од нашите животи или пак ќе ни помогнат во реализацијата на нашите дамнешни планови и желби.

Со еден збор кажано, во деновите од 7 до 25 ноември 2020, ќе можеме да се издишеме, да уживаме во животот, да го добиеме тоа што сме го заслужиле, да почнеме нешто ново, да се почувствуваме без причина среќни, да имаме финансиска добивка, поддршка и помош од пријателите, остварување на некој наш дамнешен сон или барем ќе имаме пооптимистички погледи на светот и на иднината. Притоа, би требало да бидеме посебно будни на 12 ноември, бидејќи тогаш поволното влијание меѓу Јупитер и Плутон ќе биде најголемо.

Ако ме прашувате на кој план поточно?

Тоа најдобро ќе го покаже вашата Натална Карта, посебно знакот во кој се наоѓа вашиот Асцендент (Подзнак). Ако не го знаете, ќе го дознаете кога ќе направите бесплатна Натална Карта на оваа страна.

Во принцип, најмногу благодет би требало да доживеат земните и водените знаци. На пример, Јарците би требало да доживеат некоја лична победа. Биковите среќен пресврт во некој судски процес, во учењето или во комуникацијата со странство и странци. Девиците во љубовта, преку децата или преку креативната работа и во игрите на среќа. Шкорпиите ќе имаат среќа во учењето, пишувањето, ќе добијат покана за патување или ќе имаат среќни настани во кругот на роднините. Раковите ќе имаат шанса за средување на ситуацијата во бракот и во судските процеси. Рибите би можеле да напредуваат преку помошта што ќе ја добијат од страна на пријателите и да ги сменат плановите за иднината.

Овните ќе имаат шанса да извојуваат некоја Пирова победа на план кариера или да добијат сила да се судрат со некој моќен. Вагите, после низа перипетии, би можеле да дојдат до решение за проблемите поврзани со домот, просторот за живеење и членовите на семејството. Близнаците ќе имаат шанса да решат некој финансиски проблем или ќе добијат финансиска поддршка од трети лица. Водолиите би требало да најдат решение за некој проблем од минатото, да се ослободат од тежината, да победат некоја болест. Лавовите би требало да имаат среќни околности на работа, со колегите или со здравјето. А, Стрелците ќе имаат шанса за значително подобрување на нивната финансиска состојба.

Само за споредба, овој аспект во Наталната Карта на Бил Гејтс се наоѓа во полето на парите. Па, видете вие сега за што станува збор.

Меѓутоа, секогаш има нешто „мало што момку фали, а баш то девојци среќу квари“. Има еден услов. Поволните шанси најмногу ќе имаат можност да ги искористат оние од нас кои веќе работеле на себеси, кои ја зауздале својата себичност, ниските страсти, оние кои ги победиле пороците, а најмногу оние кои веќе смело чекорат по патот на духовниот развој.

Што сакам да кажам?

Плутон е опасен играч кој умее да награди и казни. Кај духовно неразвиените личности може да предизвика демонски пориви и желба да се злоупотребат другите за свои цели. Па, нели Плутон е Бог на подземјето во грчката митологија? Затоа, сакам да ви порачам до успехот да одите по чисти патишта и да се служите само со морални средства. Вие можете и да не ме послушате. И во тој случај би имале првичен успех. Но, лошата карма што на тој начин ќе ја направите, за кусо време ќе ви се врати како бумеранг одземајќи ви го она што сте го стекнале.

Со љубов во срцето, памет во глава и со среќа на патот, напред...

Виолета С. Марсол

Регистрирано во Македонска Авторска Агенција
под реден број 970 Скопје

Ниту еден дел од овој текст не смее да биде препечатуван, копиран или објавуван во било која форма или на било кој начин во електронските или печатените медиуми, без писмена согласност од авторот.
Недозволеното репродуцирање се казнува со закон.

Изгледот на страницата одговара за Шкорпиите. За да изберете друг изглед на страницата, кликнете во табелата што се наоѓа погоре.

Дознајте дали сте типичен претставник на вашиот знак.
Направете го овој тест.

Вашата Натална Карта на Астроскопиа ќе ви помогне да ги откриете причинско-последичните врски меѓу вашиот минат и сегашен живот, ќе ви открие што се случувало во вашиот минат живот, како тоа се рефлектира на вашето однесување и на случувањата во сегашниот и која е целта на вашето раѓање.

“

Околу една и пол година пред да дојдам кај Вас ми се случи нешто страшно. Настанот го пребродив, но постојано ме вознемируваа прашањата “Господе што сум ти згрешила за да поминам низ такво нешто? Со што го заслужив ова, кога отсекогаш имав посебен однос спрема религијата?” Откако дојдов кај Вас добив вистинскиот одговор на сите овие прашања. Иако јас воопшто не Ви спомнав за овој настан, бев фрапирана кога меѓу првите работи од нашиот разговор ми го спомнавте. Преку наталната карта, а особено преку книгите кои ми ги посочивте да ги прочитам, успеав да добијам одговор на сите прашања. Повторно почнав да си го сакам животот, заедно со сите добри и лоши случувања во него, кои оставам да ме водат по патот на духовниот развој. Ви благодарам. ”

С. М., Скопје

Зачленете се тука за да можеме да ве информираме секогаш кога ќе имаме нешто ново.

Општи прашања и коментари за Астрологот. (Доколку имате лични прашања, одете на страницата Совети.)