Еден интересен феномен, драги мои, кој се случува два пати годишно, напролет и наесен. Денот и ноќта ќе траат подеднакво долго. Од една страна ќе ги имаме: светлината, топлината, активноста, давањето и засадувањето, седнати на едниот тас од вагата, кои се карактеристични за сезоната што одминува. Тие ќе се мачат да бидат исто толку силни како темнината, студенилото, мирувањето, примањето и жетвата, наредени на другиот тас на вагата, кои се карактеристични за сезоната што доаѓа. А, токму денес, во 19:21, јазичињата меѓу тасовите на вагата ќе се израмнат. Се ќе биде во потполна хармонија и ред. Почнува есента...

Зарем мислите дека случајно ја спомнав вагата? Секако дека не. Зарем мислите дека случајно во овој период на годината владее единствениот предмет во Зодијакот, Вагата? И на ова прашање одговорот е „не“.

Ви текнува зошто?

Бидејќи вагата е единствениот предмет кој е во состојба да го одржи балансот. А, балансот е клучниот збор за периодот во кој што се наоѓаме.

Ако мислите дека претерувам, ајде застанете на една нога, ве молам и обидете се да стоите во таа позиција неколку минути!

Ха, тешко е? Не издржавте? Се клатите? Паднавте? Или можеби тренирате јога, па полесно ви оди?

Сакам да ви покажам дека состојбата на рамнотежа не е воопшто лесна работа. Таа не е статичен чин туку бара постојано прилагодување со цел да се задржи рамнотежата. А, рамнотежата од 22 септември 2021 до 20 март 2022, полесно ќе ја одржиме ако се ослободиме од сето она што не ни треба (предмети, луѓе, ситуации, односи), ако се опкружиме со она кое ни создава внатрешен мир и ако почесто нурнуваме во нашиот внатрешен свет каде ќе ги најдеме одговорите на сите прашања кои не мачат. Ќе имаме доволно време, бидејќи ноќта од утре ќе биде се подолга. А, физичката неактивност и долгата ноќ ќе можеме да ги искористиме и за обнова на сопствените сили.

Сега е време да откриеме што во нашиот живот не е во хармонија. Па, ако тоа нешто се поправа, треба да поработиме на реконструкцијата. Ако не се поправа, треба да се ослободиме од него. Нашата ревизија би требало да ја почнеме од нашите односи со луѓето, во кои спаѓаат: нашите врски, бракови, ортачки бизниси, нашите договори. Ако е можно да најдеме начин да ги подобриме, во ред. Ако не најдеме, тогаш треба да побараме правен лек и рамка за истите во иднина.

Потоа, „на тапет“ би требало да ги ставиме нашите односи со пријателите, роднините, соседите, колегите и за секој од нив да побараме начин како би постигнале хармонија. Ако е невозможно, ќе треба да најдеме начин за полесно ослободување, од кое, и двете страни ќе бидат задоволни. Бидејќи, како што вели Ганди, ако се водиме од идејата „Око за око“, цел свет би бил слеп.

За свет во којшто сите луѓе гледаат кристално чисто и јасно.

Виолета С. Марсол

Регистрирано во Македонска Авторска Агенција
под реден број 970 Скопје

Ниту еден дел од овој текст не смее да биде препечатуван, копиран или објавуван во било која форма или на било кој начин во електронските или печатените медиуми, без писмена согласност од авторот.
Недозволеното репродуцирање се казнува со закон.

Изгледот на страницата одговара за Шкорпиите. За да изберете друг изглед на страницата, кликнете во табелата што се наоѓа погоре.

Дознајте дали сте типичен претставник на вашиот знак.
Направете го овој тест.

Вашата Натална Карта на Астроскопиа ќе ви открие кои се вашите скриени таленти, во кои професии би можеле да постигнете најголем успех, каков е вашиот однос со колегите и претпоставените и зошто, какви се вашите потенцијали на финансиски план.

“

Многу сум задоволна.

Пред да го добијам хороскопот и да се сретнам со тебе, не знаев што да очекувам и морам да признам дека податоците и објаснувањата беа шокантно вистинити. Ми понуди многу објективна слика на мојата личност и случувањата во мојот живот. Хороскопот ми е како една од оние “self-help” книги, но скроена само за мене. ”

Ана, Скопје

Зачленете се тука за да можеме да ве информираме секогаш кога ќе имаме нешто ново.

Општи прашања и коментари за Астрологот. (Доколку имате лични прашања, одете на страницата Совети.)