Како еден од основните виновници, а има и други, за проблемот со говорот и комуникацијата, астрологијата секогаш го посочува Меркур, неговата поставеност и аспектите што тој ги прави со другите планети во една Натална Карта.

Па, ако проблемот е моментален, тогаш причината веројатно се крие во транзитниот Меркур кој е ретрограден. Меѓутоа, ако проблемот во комуникацијата со луѓето ве следи во текот на целиот живот, тогаш е најдобро да ја направите вашата Натална Карта и да ја откриете причината за тоа. Бидејќи, лоцираната причина претставува всушност половина од решението.

Но, да се фокусираме на сегашноста. Добро е да знаете дека од 13-ти август Меркур во Девица тргнува во ретрограден од (гледано од Земјата ќе се чини дека се движи наназад) и тоа ќе потрае до 5-ти септември 2017 година.

Какво е влијанието на ретроградниот Меркур?

Како прво, заради тоа што Меркур владее со комуникациите и трговијата (но Меркур во митологијата освен гласник на боговите бил и тој што краде, лаже и прави несолени шеги), во периодот од 13-ти август до 5-ти септември 2017 би требало да се зголемат недоразбирањата во односите меѓу луѓето, лагите, кражбите, подметнувањата, озборувањата.

Луѓето ќе зборуваат ама нема да го слушаат тоа што го кажува другата страна или ќе го преведуваат слушнатото на начин што е близок на нивната ментална матрица. Како резултат на тоа, често ќе се случува и двете страни да се чувствуваат како „изгубени во преводот."

Затоа, овој период не е поволен за потпишување на важни и трајни договори, бидејќи некој нема да се држи до договореното или пак би можело да се случи нешто непредвидено што би ви ги блокирало плановите.

А, бидејќи Меркур нели бил оној кој правел несолени шеги меѓу боговите на Олимп, постои опасност некој да се обиде да ве прелаже, да ви бидат украдени документи и пари, да имате непланирани трошоци, проблеми со средствата за комуникација (компјутер, мобилен, автомобил). Можно е да ги загубите клучевите, да плаќате казни за сообраќајни прекршоци или камати за неплатени сметки и за извршител.

На 22-ри август 2017 од лагите и озборувањата ќе страдаат чувствата на многу луѓе. Посебно на родените на 1-ви септември, на родените на 30-ти ноември и на родените на 27-ми февруари.

Во периодот од 13-ти до 23-ти август би требало да се зголемат обидите за измами и кражби. Додека на 1-ви и 2-ри септември повеќето луѓе ќе бидат со краток фитиљ, па можни се жестоки вербални дуели на улиците, кавги меѓу соседите и решавање на проблемите со тепачки.

Утре ќе можете да прочитате како ретроградниот Меркур ќе влијае на политичкиот и јавниот живот во земјава. Додека во недела ве очекува текст за влијанието на ретроградниот Меркур на секој хороскопски знак посебно.

Регистрирано во Македонска Авторска Агенција
под реден број 970 Скопје

Ниту еден дел од овој текст не смее да биде препечатуван, копиран или објавуван во било која форма или на било кој начин во електронските или печатените медиуми, без писмена согласност од авторот.
Недозволеното репродуцирање се казнува со закон.

Изгледот на страницата одговара за Шкорпиите. За да изберете друг изглед на страницата, кликнете во табелата што се наоѓа погоре.

Дознајте дали сте типичен претставник на вашиот знак.
Направете го овој тест.

Вашата Натална Карта на Астроскопиа ќе ви открие кои се вашите скриени таленти, во кои професии би можеле да постигнете најголем успех, каков е вашиот однос со колегите и претпоставените и зошто, какви се вашите потенцијали на финансиски план.

“	Наталната карта што ја добив е фантастична! Ви благодарам многу што ми го подаривте огледалото на мојот живот :) ” Виктор К., Скопје

Зачленете се тука за да можеме да ве информираме секогаш кога ќе имаме нешто ново.

Општи прашања и коментари за Астрологот. (Доколку имате лични прашања, одете на страницата Совети.)