Па, секако од мое, лично искуство. Имајте на ум дека луѓето речиси никогаш нема ви кажат што навистина мислат за вас. Но, секогаш ќе го покажат тоа со некаков гест. Затоа, ќе треба да внимаваме како се однесуваат кон нас, а не што ни зборуваат.

Како да знаеме кој ни е вистински пријател, а кој не?

Вистинските пријатели треба да го поминат тестот на седумте Библиски гревови. Ако, паднат на некој од нив, ќе знаете дека не ви се вистински пријатели. Вие можете и понатаму да се дружите со нив, но секогаш ќе треба да внимавате на грмушката во која се крие зајакот. А, ако еднаш ви згрешат, јас не би им дала втора шанса, бидејќи тоа е исто како да му дадете нов куршум на некој кој еднаш стрелал во вас и ве промашил.

Кои се 7-те чекори од тестот?

1. Потрудете се да дознаете колку се алчни?

И тоа не со вас, бидејќи пред вас можеби ќе глумат. Потрудете се да дознаете како се однесуваат со своите роднини, со останатите пријатели? Дали кога имаат корист од нив го менуваат однесувањето, стануваат услужливи, насмеани? Дали коваат планови да им го земат имотот на некој од роднините или веќе имале такви епизоди во минатото? Ако одговорот е „да“, тогаш тоа ќе го направат и со вас, кога ќе имате нешто вредно за земање.

2. Утврдете дали се завидливи?

Ако им завидуваат на другите, ако се трудат да ги омаловажат за нивниот успех, изглед, среќа, истото го чувствуваат и кон вас и сигурно ве озборуваат кога не сте присутни. А, зависта е енергија што влече надолу и такви личности не ви требаат во вашето опкружување.

3. Дали се мрзливи?

Нивната мрзливост, сама по себе, не ве погаѓа вас, лично. Но, тоа е статична енергија која би можела да ве успорува или да прави да се чувствувате виновни ако сакате да го забрзате темпото и да одите напред.

4. Дали се горди?

Ако постојано се удираат в гради за тоа што тие го направиле, колку се тие способни, со кого тие се познаваат, што поседуваат, ако, во скриена или директна форма, навестуваат дека се подобри од вас, тоа, на почетокот, би можело да ви биде смешно или забавно. Но, имајте на ум дека таквите луѓе не ве третираат како да сте рамноправни. А, кога нема рамнотежа во размената нема вистинско пријателство. Бидејќи, тој што се претставува себеси како господар, ќе очекува да му бидете роб.

5. Како се однесуваат кога се лути?

Согледајте дали умеат да го контролираат својот бес? Ако не умеат, кажете му „збогум“ на пријателството, иако можеби уште не ни почнало. Бидејќи, во мигот кога вашиот пријател повторно ќе се разјари можно е вашата дружба да заврши со вкрстени тупаници.

6. Дали се скржави?

Оној кој е научен да ги стиска парите, тој го стиска и своето срце и не ќе умее да сподели со вас ниту убави чувства, ниту зборови на утеха.

7. Дали се однесуваат блудно?

Каков е нивниот сексуален живот не би требало да ве интересира. Но, блудниот карактер покажува дека човекот не умее да ги контролира своите страсти, дека мисли дека му е дозволено да си земе се што ќе види и посака. Всушност покажува дека му недостасува морал. Тоа значи дека, еден ден, би можел да посегне и по нешто што е ваше, ако му се допадне. Па, дури и по вашиот сопруг или сопруга. Да, да. Имало еден куп такви примери околу нас. А, да не зборуваме за тоа дека лошото друштво ги расипува добрите навики.

И на крај да заклучам:

Кога луѓето се однесуваат кон нас како да не им значиме ништо, драги мои, треба да им веруваме и секогаш да имаме на ум дека тие стануваат аздисани и арогантни ако почувствуваат дека ни се потребни.

Виолета С. Марсол

(Текстот е авторски труд и не е дозволено да се копира и реобјавува без дозвола од В.С.Марсол)

Регистрирано во Македонска Авторска Агенција
под реден број 970 Скопје

Ниту еден дел од овој текст не смее да биде препечатуван, копиран или објавуван во било која форма или на било кој начин во електронските или печатените медиуми, без писмена согласност од авторот.
Недозволеното репродуцирање се казнува со закон.

Изгледот на страницата одговара за Шкорпиите. За да изберете друг изглед на страницата, кликнете во табелата што се наоѓа погоре.

Дознајте дали сте типичен претставник на вашиот знак.
Направете го овој тест.

Вашата Натална Карта на Астроскопиа ќе ви открие кои се вашите скриени таленти, во кои професии би можеле да постигнете најголем успех, каков е вашиот однос со колегите и претпоставените и зошто, какви се вашите потенцијали на финансиски план.

“	Вистината што извираше од првите страници на мојата натална карта ме скамени. Цела недела ми беше страв да продолжам со читањето. Сепак, љубопитноста победи. Имав што да научам за себеси. ” Борис П., Скопје

Зачленете се тука за да можеме да ве информираме секогаш кога ќе имаме нешто ново.

Општи прашања и коментари за Астрологот. (Доколку имате лични прашања, одете на страницата Совети.)