Пред некој ден, случајно, слушнав еден разговор од возрасен човек кој тврдеше дека ако имало Господ тој нема да ја дозволел оваа несреќа што ја зацрни Македонија.

Да, несреќата е немерлива, признавам. Да, сите ние сме длабоко потресени и се наоѓаме во втората фаза од процесот на справување со тагата. А, втората фаза е бес, кој е покритие за нашата немоќ. Бидејќи нашиот ум полесно прифаќа да сме бесни отколку да сме немоќни. Но, во моменти на тага, кога не размислуваме рационално, најлесно е да го насочиме бесот во погрешен правец. Во овој случај, човекот го насочи својот бес кон Бога. За него и за сите како него ќе го кажам следното:

Бог, како секој добар родител, не создал „според ликот свој“ и ни дал разум. За полесно да се движиме во светот ни тутнал в рака 10 Заповеди, како што мајка тутка в рака со мака одвоени пари од уста кога детето заминува во туѓина. Но, ни оставил слободна волја, бидејќи секој добар родител го прави тоа кога сака неговите деца да учат од сопствено искуство, да станат зрели личности кои сами ќе се пробиваат низ животот, а не без’рбетници.

Е сега, ако децата не ги читаат 10-те Заповеди, а уште помалку ги почитуваат, примамени од лажливите светла на градот, ако прават работи кои се противат на Законите за здрав живот, ако се бунтуваат и му се потсмеваат на „родителот“ и на неговиот светоназор, тој ќе им прости сто и еден пат. Но, не ќе може да ги спаси од нив самите и од нивниот неправилен систем на вредности.

Бидејќи не сакам да додавам сол на нашата колективна рана во денови на болка, ќе кажам само дека Бог сигурно не му ставил во глава идеја на сопственикот на диското од штала да прави диско, да не го почитува законот за таков вид објекти, да дава мито за лиценца итн. Не, тоа го направила неговата алчност (една од седумте смртни гревови). Исто така, Бог не им ги затворил очите на луѓето кои 12 години му прогледувале низ прсти. Не, тоа исто така го направила нивната алчност, кај оние кои земале мито или нивната немоќ, кај оние кои гледале од страна, итн.

Затоа, пред да обвинувате некого, пред да хулите на Бога, застанете пред огледало. Па, ако утврдите дека наликувате на него, а Тој е несправедлив кон вас, тогаш зборувајте гласно и Тој да ве чуе. Во спротивно, Библијата в раце и учете кои се моралните начела што треба да ги почитувате за да имате хармоничен живот.

Виолета С. Марсол

Регистрирано во Македонска Авторска Агенција
под реден број 970 Скопје

Ниту еден дел од овој текст не смее да биде препечатуван, копиран или објавуван во било која форма или на било кој начин во електронските или печатените медиуми, без писмена согласност од авторот.
Недозволеното репродуцирање се казнува со закон.

Изгледот на страницата одговара за Шкорпиите. За да изберете друг изглед на страницата, кликнете во табелата што се наоѓа погоре.

Дознајте дали сте типичен претставник на вашиот знак.
Направете го овој тест.

Вашата Натална Карта на Астроскопиа ќе ви помогне да ги откриете причинско-последичните врски меѓу вашиот минат и сегашен живот, ќе ви открие што се случувало во вашиот минат живот, како тоа се рефлектира на вашето однесување и на случувањата во сегашниот и која е целта на вашето раѓање.

“	Од секогаш сакав да си одговорам на моите големи, длабоки прашања. После средбата со вас и читањето на мојата натална карта сите одговори си дојдоа на своето место... Наталната карта ме разбуди, упати да тргнам по правата патека од мојот живот. ” Р.Б., Штип

Зачленете се тука за да можеме да ве информираме секогаш кога ќе имаме нешто ново.

Општи прашања и коментари за Астрологот. (Доколку имате лични прашања, одете на страницата Совети.)