Сите ние, драги мои, илјадапати сме ја чуле изреката која вели дека зад секој успешен маж стои една силна жена. Кога велам силна, не значи ниту силна на мускули, ниту силна на вилица, макаршто ни тоа не е исклучено. Силна жена значи жена со цврст карактер, стамена личност која знае што сака, столбот на кој се потпира мажот, вратот кој ја движи главата на семејството и, ако сакате, и нацијата. И навистина, ако се потсетиме на личностите кои ја создавале историјата, ќе го забележиме следното:

Зад Александар Македонски стоела неговата мајка Олимпија. Зад Цезар - Калпурниа. Зад Октавијан Август - Ливија. Зад Константин Велики, неговата мајка, Елена. Зад Јустинијан - Теодора. Зад Наполеон - Жозефина. Зад Сулејман Величествениот - Хурем Султан. Зад Исус Христос стоеле дури две жени, мајка му, Марија и преобратената блудница што станала негова ученичка, Марија Магдалена.

Во поновата историја, на пример, зад Теодор Рузвелт стоеше Елинор. Зад Кенеди - Жаклина. Зад Реган - Ненси, зад Тито - Јованка. Но, во новиов милениум не пронаоѓам ваков случај. Можеби затоа и немаме голема историја.

Дали некој од вас размислувал кој стоел зад жените кои ја создавале историјата?

Ако не, еве, јас размислував на таа тема и дојдов до следниот заклучок:

Зад Семирамида (811-783 ПНЕ, кралица на Асирија); Нефретете, Хатшепсу и Клеопатра (кралици на Египет); Елизабета Прва и Викторија (кралици на Велика Британија), Амина (1533-1610, кралица воин на Зазау, северозападна Нигерија), Тцу- Хси (попозната како жена Змеј, која владеела со Кина на крајот на династијата Кинг, 1835-1908) и зад уште неброено многу познати и непознати жени низ историјата, кои ги претвориле своите кралства во империи, не стоел никој... освен тие, самите. Сите тие ги направиле своите империи без да имаат крал покрај себе.

Во поновата историја, Индира Ганди (Индија) и Сиримаво Бандеранаике (Шри Ланка), се активирале во политиката и ги воздигнале своите држави дури откако станале вдовици. Сопругот на Индира, Ферозе Ганди, починал во 1960 година од срцев удар. А, сопругот на Сиримаво Бандеранаике, Соломон, загинал во атентат во 1959 година. Додека, кралицата Елизабета Втора, целиот свој живот имаше маж покрај себе, Принцот Филип. Но тој, никогаш не доби титула крал, туку вечно остана принц, а живееше речиси 100 години.

На крајот, на памет ми паѓаат прашањата:

„Дали кога владеат мажите, всушност повторно владеат жените преку нив?“ и „Дали се жените помоќни кога се сами, бидејќи ја фокусираат својата енергија само на една цел?“

Историјата потврдува дека е тоа така. А, јас немам намера да додадам јаготка врз шлагот на феминистичката идеологија. Сакам само да покажам колкава е енергијата што секоја жена свесно ја инвестира во одржувањето на своето семејство, во грижата за домот, во одгледувањето на децата, во грижата за мажот и плус во извршувањето на работните задачи.

Затоа, секој маж и секое општество, кои не умеат да го препознаат, почитуваат и наградат инвеститорот, самите се осудуваат на назадување и пропаѓање.

Тоа не го велам јас, тоа се Законите на Универзумот.

Виолета С. Марсол

Регистрирано во Македонска Авторска Агенција
под реден број 970 Скопје

Ниту еден дел од овој текст не смее да биде препечатуван, копиран или објавуван во било која форма или на било кој начин во електронските или печатените медиуми, без писмена согласност од авторот.
Недозволеното репродуцирање се казнува со закон.

Изгледот на страницата одговара за Шкорпиите. За да изберете друг изглед на страницата, кликнете во табелата што се наоѓа погоре.

Дознајте дали сте типичен претставник на вашиот знак.
Направете го овој тест.

Вашата Натална Карта на Астроскопиа ќе ви открие кои се вашите скриени таленти, во кои професии би можеле да постигнете најголем успех, каков е вашиот однос со колегите и претпоставените и зошто, какви се вашите потенцијали на финансиски план.

“

Околу една и пол година пред да дојдам кај Вас ми се случи нешто страшно. Настанот го пребродив, но постојано ме вознемируваа прашањата “Господе што сум ти згрешила за да поминам низ такво нешто? Со што го заслужив ова, кога отсекогаш имав посебен однос спрема религијата?” Откако дојдов кај Вас добив вистинскиот одговор на сите овие прашања. Иако јас воопшто не Ви спомнав за овој настан, бев фрапирана кога меѓу првите работи од нашиот разговор ми го спомнавте. Преку наталната карта, а особено преку книгите кои ми ги посочивте да ги прочитам, успеав да добијам одговор на сите прашања. Повторно почнав да си го сакам животот, заедно со сите добри и лоши случувања во него, кои оставам да ме водат по патот на духовниот развој. Ви благодарам. ”

С. М., Скопје

Зачленете се тука за да можеме да ве информираме секогаш кога ќе имаме нешто ново.

Општи прашања и коментари за Астрологот. (Доколку имате лични прашања, одете на страницата Совети.)