„Стана непристојно ако жената за себе каже дека е домаќинка. На прашањето: „Со што се занимавате вие госпоѓо?“, таа ќе се двоуми, ќе молчи малку подолго, па дури потоа ќе го изговори тоа поразително признание дека е домаќинка и дека не работи ништо друго.

Во време кога жените се менаџерки, секретарки, министерки или во најмала рака ПР, кои ги има како плева, да се биде домаќинка која не работи ништо друго, е поразително признание за залудноста на нечиј живот.

А, има ли нешто посвето од тоа најчесто занимање во нашите краеви, од тоа жртвување на кариерата и суетата, со цел да им служиш на најблиските со љубов, која е се поретка во нашите животи.

Да се оди на пазар, со свои раце да се избира најдоброто овошје и зеленчук, да се смислуваат нови оброци за секој ден кои нема да се повторуваат, а покрај тоа да се води сметка што помалку да се потроши; да се готви, пере и пегла, да се чисти куќата, домот секогаш да се одржува да биде блескав и удобен; да се плаќаат сметките за струја, вода, греење и телефон; да се чувствува непријатност кога секој ден му се бара пари на мажот за сето тоа, да се биде секретар и ПР на семејството, а често и лекар и негувателка, а покрај тоа јавно да кажуваш дека не работиш ништо.

Затоа, драги мои домаќинки, кога оние личности со долги, лакирани нокти ве прашаат со што се занимавате, слободно речете им дека се занимавате со оние што ги сакате!“

~ Момо Капор

Е, драги мои дами, времињата што ги опишува писателот спаѓаат во доменот на Минато Определено Свршено Време. Ниту денес постојат домаќинки кои се однесуваат како споменативе во текстот, жени облечени во пењоари чијашто единствена преокупација во животот е да ги наполнат стомаците на своите сакани со топол оброк, заборавајќи на себеси и своите потреби. Ниту пак постојат жени со долги, лакирани нокти кои се грижат само за кариерата, посебно ако имаат семејство.

Прашање е само кои од нив се поголеми дами? Дали жените од пред 50-60 години кои, можеби, немале долги, лакирани нокти, но не биле растргнати меѓу домот, работата и императивот постојано да се биде млад, затегнат и убав. Или денешните жени кои, во најголемиот број, имаат лакирани гел-нокти, но трчаат самите од градинка до работа, па во маркет, па на фитнес, па на кафе со другарките, па на постирање слики на ФБ, Инста и Тик-Ток. Уф, многу напор треба за тоа, ќе признаете. Кој, во такви услови, има време да шета по пазарите и да го избира најдоброто овошје и зеленчук за своите сакани?

И покрај сите недостатоци што ги имал животот на жените домаќинки кои живееле пред пеесетина години, пред се финансиската зависност од мажите, мислам дека многу од денешните дами со долги, лакирани нокти би се менувале за нивниот душевен МИР. Или можеби се лажам?

Виолета С. Марсол

Регистрирано во Македонска Авторска Агенција
под реден број 970 Скопје

Ниту еден дел од овој текст не смее да биде препечатуван, копиран или објавуван во било која форма или на било кој начин во електронските или печатените медиуми, без писмена согласност од авторот.
Недозволеното репродуцирање се казнува со закон.

Изгледот на страницата одговара за Шкорпиите. За да изберете друг изглед на страницата, кликнете во табелата што се наоѓа погоре.

Дознајте дали сте типичен претставник на вашиот знак.
Направете го овој тест.

Вашата Натална Карта на Астроскопиа ќе ви открие на кои болести сте склони и зошто. Па, откако ќе ги победите причините, ќе исчезнат и негативните последици по вашето здравје.

“

Околу една и пол година пред да дојдам кај Вас ми се случи нешто страшно. Настанот го пребродив, но постојано ме вознемируваа прашањата “Господе што сум ти згрешила за да поминам низ такво нешто? Со што го заслужив ова, кога отсекогаш имав посебен однос спрема религијата?” Откако дојдов кај Вас добив вистинскиот одговор на сите овие прашања. Иако јас воопшто не Ви спомнав за овој настан, бев фрапирана кога меѓу првите работи од нашиот разговор ми го спомнавте. Преку наталната карта, а особено преку книгите кои ми ги посочивте да ги прочитам, успеав да добијам одговор на сите прашања. Повторно почнав да си го сакам животот, заедно со сите добри и лоши случувања во него, кои оставам да ме водат по патот на духовниот развој. Ви благодарам. ”

С. М., Скопје

Зачленете се тука за да можеме да ве информираме секогаш кога ќе имаме нешто ново.

Општи прашања и коментари за Астрологот. (Доколку имате лични прашања, одете на страницата Совети.)