Марс влегува во Девица - што ќе ви донесе
 

Планетата на која што живееме, Земјата, се наоѓа помеѓу две планети кои се сосема спротивни по својата природа. Од една страна се наоѓа Венера, нежна, заводлива, симбол за љубовта и хармонијата. А, од другата страна е храбриот и импулсивен Марс, симбол за воинственоста, силата, нагонот и натпреварувачкиот дух.

Ако бараме објаснување во митологијата, таа открива дека Марс (Арес), богот на војната, е син на Јупитер (Зевс), богот на громовите и Јуно (Хера), божицата на бракот. Јупитер и Јуно немале убаво мислење за својот син, Марс. Го сметале за најгрозниот од сите богови, за лудак кој не го почитува законот.

А, бидејќи спротивностите најчесто се привлекуваат, незаузданиот Марс ја маѓепсал женствената Венера со својата мажевност толку силно, што таа го изневерила својот маж Хефест. Од оваа страсна љубовна врска се родиле три деца: Хармонија, Ерос (Амор) и Антерос.

Во астрологијата, Марс ги задржува истите карактеристики како во митологијата. Па, се смета за планета чии што вибрации даваат физичка енергија и ги поттикнуваат луѓето на акција, натпреварување, освојување и борба. Кога е во Девица станува поагресивен на ментален и вербален план. Бара претерана точност и прецизност, ситничав е, бара „влакно во јајцето.“

Како Марс на својот пат низ Девица ќе влијае на секој од вас, ќе откриете подолу во текстот.

Но, пред тоа треба да знаете дека предвидувањата се правени само со следење на една планета, Марс. Затоа, сликата не може да биде целосна ниту толку прецизна. Вистинската слика за тоа што ве очекува би ја дознале кога би ги изработиле вашите Петгодишни Предвидувања или Соларниот (Годишен) Хороскоп.

Упатство за читање: Прво прочитајте го текстот што важи за вашиот подзнак. А, потоа комбинирајте ги информациите со текстот што се однесува на вашиот знак.

Овен

Под влијанието на агресивниот Марс, во периодот од 6-ти септември до 23-ти октомври 2017, би требало да се зголеми стресот во вашето секојдневие. А, посебно на вашето работно место.

Ако немате работа, ќе се истоштувате во обидите да најдете достоинствен професионален ангажман што би ја подобрил вашата финансиска состојба и би ви ја поткренал самодовербата.

Ако сте во работен однос, веројатно ќе бидете претоварени со работа, ќе останувате да работите прекувремено. Но, и покрај тоа, не ќе можете да ги завршите сите обврски. Тоа ќе ве прави нервозни. Па, ако бесот го потиснете во себеси, на врата ќе ви чукнат проблемите со здравјето. Ако пак го кажете она што го мислите, сигурно ќе се фатите за гуша со некои од колегите.

Моја препорака би била да најдете издувен вентил за акумулираното незадоволство и бес. Тоа може да биде некаков спорт, јога вежби, медитации или само обично, но долготрајно пешачење во природа.

Ако сте на функција, внимавајте кои луѓе ги вработувате. Колегите кои се на пониска позиција би можеле да ви подготват бунт или ќе работат на ваше сменување.

Во периодот од 19-ти до 22-ри септември можно е да имате проблеми поради алкохол или лекови, воспаление, главоболки, висок притисок, проблеми со варењето на храната. Но, можно е да направите и некакви грешки на работното место поради брзање.

Во периодот од 26-ти септември до 14-ти октомври, постои можност за флерт на работното место. Но, овој податок би можеле да го искористат вашите непријатели во периодот од 29-ти септември до 2-ри октомври.

Бик

Марс ќе биде пријателски настроен кон вас во периодот од 6-ти септември до 23-ти октомври. Па, благодарение на неговите поттикнувачки вибрации, вие ќе почувствувате зголемен наплив на сексуална енергија, која ќе морате некако да ја потрошите.

Ако сте слободни, водени од слепата страст, можно е да заборавите на вашите критериуми и да легнете со првата личност што ќе ве привлече со својот сексапил. Посебно во периодот од 26-ти септември до 14-ти октомври. Но, откако страста ќе помине, конфликтите во вашиот љубовен живот ќе бидат неизбежни. Тоа ќе биде најизразено во периодот од 5-ти до 12-ти октомври 2017.

Ако сте во врска или брак, водени од сексуалниот порив, можно е да направите излет надвор од бракот. А, за тоа јавноста би можела да дознае преку вашите пријатели, во периодот меѓу 29-ти септември и 2-ри октомври. Но, ако сте потрадиционални по природа и сакате да останете верни, тогаш или ќе уживате во погруб секс со постојаниот партнер или ќе се обидувате да доминирате во врската.

Ако имате деца и ако не сте ги научиле на почит, тие би можеле да манифестираат агресивност кон вас, да се однесуваат тврдоглаво, насилнички. Посебно во периодот од 19-ти до 22-ри септември.

Меѓу 29-ти септември и 2-ри октомври можно е да имате проблеми со срцето.

Близнаци

На својот пат низ педантната Девица, агресивниот Марс нема да биде многу благонаклонет кон вас, во периодот од 6-ти септември до 23-ти октомври.

Марс би можел да предизвика конфликти во вашето семејство. Причината би била недисциплината или непедантниот однос на некои од неговите членови. Вербалниот конфликт би можел да прерасне во физичка пресметка ако не ги контролирате своите постапки и ако дозволите да ве обземе омразата. Посебно во периодот од 26-ти септември до 14-ти октомври.

Под влијание на потиснатата агресија би можеле да се активираат здравствени проблеми поврзани со желудникот. Но, вашата агресија би можела да се манифестира и на работното место, во комуникацијата со колегите. Посебно во периодот од 19-ти до 22-ри септември 2017.

Додека во периодот од 5-ти до 12-ти октомври 2017 би можеле да се почувствувате предадено од страна на брачниот партнер.

Внимателно ракувајте со електричните апарати со цел подолго да ви траат и да се поштедите од пожари.

Рак

Ви претстојат многу активни и динамични пеесетина дена (од 6-ти септември до 23-ти октомври 2017) под влијанието на неуморниот Марс.

Тоа значи дека ќе имате исполнета дневна агенда со активности, многу движење, комуникација со луѓето, многу средби, состаноци, патувања. Луѓето ќе се интересираат за она што го работите или за искуствата што сте ги стекнале. Па, можно е, на некаква трибина, да раскажувате за вашето искуство. Можеби ќе планирате да се проширите на професионален план или пак ќе држите работилници или предавања на теми што ви се блиски. Па, на некоја од овие средби со луѓе, вашите очи можеби ќе откријат нечиј поглед што ќе ве стаписа. Посебно во периодот од 26-ти септември до 14-ти октомври.

Во периодот од 19-ти до 22-ри септември е можно да добиете неповолни вести од странство или суд. И тогаш не е препорачливо да полагате испити. Во сообраќајот треба да бидете внимателни од 5-ти до 12-ти октомври и да не оставате вредни работи во автомобилот.

Лав

Борбениот Марс ќе ја загрози вашата финансиска стабилност во периодот од 6-ти септември до 23-ти октомври.

Тоа значи дека веројатно многу ќе работите. Но, парите, некако, ќе ви се измолкнуваат од рацете. Препорачливо е да ја зауздате вашата ненаситност за луксузни и непотребни нешта. Но, дали тоа ќе ви помогне да ги избегнете непланираните трошоци, времето ќе покаже.

Имајте во предвид дека во овој период ќе ве следат малери на финансиски план. Но, можни се и кавги, закани и физички пресметки заради пари со партнерот или децата. Посебно во периодот од 5-ти до 12-ти октомври. Додека, во периодите од 19-ти до 22-ри септември и од 29-ти септември до 2-ри октомври, не би требало да позајмувате пари, бидејќи тешко дека ќе ги видите назад.

Но, ако некому вие должите, на човек, на банка или друга институција, веројатно ќе си платите со камата.

Девица

На својот пат низ вашиот знак, од 6-ти септември до 23-ти октомври 2017, Марс ќе ви подари огромен енергетски набој. Но, како ќе ракувате со него ќе зависи само од вас.

Со други зборови кажано, вие ќе имате физичка сила, храброст, енергија и мотив да тргнете во акција. Па, ако имате некој план или идеја за кои размислувате, сега е време да започнете со нивна реализација. Но, ако и понатаму се колебате, ако одложувате, ќе се почувствувате неуспешни. А, тоа чувство ќе ве фрустрира и ќе прави да бидете нервозни во комуникацијата со луѓето. Па, веројатно често ќе барате празнење на агресијата преку предизвикување конфликти, преку викање, карање, насилни реакции.

Во тој случај бидете сигурни дека би можеле да го извлечете подебелиот крај. Па, дури и да одговарате пред законот. Посебно во периодот од 19-ти септември до 2-ри октомври. Но, би можеле да имате и здравствени проблеми со синусите, чести главоболки, повреда на главата. Посебно во периодот од 5-ти до 12-ти октомври.

Вага

Марс нема да биде пријателски расположен кон вас во периодот од 6-ти септември до 23-ти октомври 2017.

Тоа значи дека веројатно често ќе чувствувате дека вашиот љубезен и тактичен настап не ви ги донесува саканите резултати и дека не можете секогаш да го добиете тоа што го посакувате. Меѓутоа, не смеете да му дозволите на вашиот страв од губењето на сигурноста да ве блокира. Бидејќи, на тој начин ќе стоите во место и ќе се чувствувате фрустрирани.

Постои можност да оформите некои тајни односи со извесни луѓе или ќе се согласите на професионална соработка за која нема да се знае во јавноста. Најлошо од се што ќе предизвикаат агресивните вибрации на Марс е тоа што ќе бидете како мета за секаков вид на негативна енергија. Па, можно е некои луѓе негативно расположени кон вас да ви подготвуваат завера или пак ќе добивате закани од насилници. Ова посебно би било изразено во периодот од 19-ти септември до 2-ри октомври. Тогаш се можни и здравствени проблеми.

А, во периодот од 5-ти до 12-ти октомври би требало да бидете повнимателни во сообраќајот.

Шкорпија

Иако Марс е агресивен по својата природа, кога е во Девица нема да биде непријатен за вас. Па, во периодот од 6-ти септември до 23-ти октомври 2017, би требало да почувствувате силна доза на активизам.

Под влијание на Марс би требало да посакате да смените нешто во општеството во кое живеете. Па, таа желба би можела да ве однесе во редовите на некоја политичка партија, невладина организација или ќе делувате како самостоен фејсбук активист.

Во исто време ќе кроите многу планови, ќе сметате на помошта од пријателите и ќе градите мрежа на истомисленици со кои подоцна би можеле и професионално да соработувате. Всушност, полека ќе учите како да го зауздате своето его во името на некоја повисока цел или интерес. Тоа ќе ви помогне да го проширите кругот на познаници, да оформите нови пријателства.

Во периодот од 19-ти септември до 2-ри октомври ќе треба да се отворите за примањето и давањето. А, во периодот од 5-ти до 12-ти октомври не смеете да дозволите да бидете во загуба заради пријателите.

Стрелец

Воинствениот Марс, во периодот од 6-ти септември до 23-ти октомври 2017 ќе предизвика да ве заплисне нов бран енергија и да се зголемат вашите амбиции на професионален план.

Но, имајте во предвид дека се што ќе остварите и добиете ќе биде извојувано во жестока битка. Ако вашата професија е поврзана со војската, полицијата, хирургијата, градежништвото, занаетчиството и механизацијата, би можеле на полесен начин да дојдете до целта. Но, и покрај тоа, ќе мора да го контролирате своето его, долгиот јазик и желбата да им солите памет на другите. Така би го избегнале конфликтот со претпоставените.

Во периодот од 19-ти септември до 2-ри октомври ќе мора да најдете начин да ја одржите хармонијата во домот и на работа. А, од 5-ти до 12-ти октомври, можни се здравствени проблеми со забите, зглобовите или коските.

Јарец

Пријателскиот Марс во Девица ќе биде како создаден за вашата натпросечна амбиција. Па, во периодот од 6-ти септември до 23-ти октомври 2017 би требало пред вас да се отворат нови шанси поврзани со странство и странци или професионална соработка со други центри и градови.

Периодот ќе биде исклучително поволен за стручно усовршување и образование. Затоа е пожелно да ги искористите сите можности (семинари, курсеви, обуки) за доедукација, која ќе ви донесе просперитет во иднина. А, ако вашата професија е поврзана со образованието, можно е некакво напредување.

Единствено би требало да избегнувате ситуации кои би можеле да ве донесат во судир со законот во периодот од 19-ти септември до 2-ри октомври. Посебно ако патувате во странство. А, од 5-ти до 12-ти октомври можно е да имате здравствени проблеми со црниот дроб или дишните патишта.

Водолија

Под влијанието на Марс, вие ќе почувствувате дека нагло се зголемува вашата сексуална енергија и интересот за сексот во периодот од 6-ти септември до 23-ти октомври.

Па, ако немате адекватен партнер кој ќе ви овозможи длабоко и интензивно да уживате во сексот, ќе бидете подготвени да се согласите и на половични односи, само да ја задоволите својата глад за физички контакт. Посебно во периодот од 26-ти септември до 14-ти октомври 2017.

Паралелно со ова, ќе тече и процесот на расчистување со старите долгови, кредити, алиментации, наследство. Притоа, добро е да знаете дека во периодот од 19-ти септември до 2-ри октомври, би требало да бидете исклучително внимателни со парите и инвестициите. Додека од 5-ти до 12-ти октомври не би требало да дадете пари на заем на пријателите.

Исто така, би требало да бидете внимателни во ракувањето со остри предмети. А, за некои од вас можеби ќе биде потребен и хируршки зафат.

Риби

Во периодот од 6-ти септември до 23-ти октомври 2017, Марс ќе ви предизвика многу турбуленции и на приватен и на професионален план.

Добро е да знаете дека случувањата низ кои ќе поминува вашиот партнер ќе се одразат и на вашиот однос. Ако на тоа се надоврзе и нетрпението поради разликата во карактерите и неспоивите интерси, се исцртуваат причините за кризата во вашиот брак. За да не дојде до раздвојување, ќе треба одлуките да ги донесувате рационално, со студена глава.

Ако сте слободни, некои од вас може преку ноќ да одлучат да стапат во брак, во периодот од 26-ти септември до 14-ти октомври. Но, не смеете да избрзувате. Другите пак нагло ќе прекинат со една врска и ќе започнат нова. А, некои ќе се мачат, ќе водат војна со партнерот, но ќе останат во врска.

Генерално, ве очекуваат разни перипетии. Вашите пријатели и непријатели ќе ги сменат местата, ќе отпочнете или прекинете едно професионално партнерство, можни се и судски процеси. Посебно во периодот од 19-ти септември до 2-ри октомври.

 

 
 
Регистрирано во Македонска Авторска Агенција
под реден број 970 Скопје
 
Ниту еден дел од овој текст не смее да биде препечатуван, копиран или објавуван во било која форма или на било кој начин во електронските или печатените медиуми, без писмена согласност од авторот.
Недозволеното репродуцирање се казнува со закон.