Ни претстои неочекувано среќен период
 

(Затемнување на Сонцето, Соларна Еклипса, на 26 декември)

За големо чудо, ова Затемнување на Сонцето (Соларна Еклипса) би требало да ни донесе позитивни промени и еден, малку, посреќен период речиси за сите нас, во границите на онаа среќа што едно Затемнување може да ја донесе.

Зошто Затемнувањето овој пат ќе има позитивен предзнак?

Затоа што ќе биде на истиот степен на кој ќе се најде и Јупитер, планетата на среќата (4-ти степен од Јарец) и ќе биде во пријателски однос со Уран од Бик, кој секогаш носи непланирани пресврти и промени во животот. Со други зборови кажано, кога ќе ги собереме и двете влијанија, резултатот ќе биде изненадни среќни моменти и ситуации.

Секако, целата планетарна игранка ќе вклучува и претерувања од секаков вид, како што се претераното јадење, пиење, секс и претераните трошоци да се покрие сето тоа, бидејќи Јупитер ќе го води орото, а познато е дека тој нема чувство за мерка. Посебно кога се во прашање земните задоволства. Поради фактот пак што Јупитер зголемува се за што ќе се фати, ако вашата ситуација во моментот на Затемнувањето е добра, после Еклипсата би требало да стане подобра. Но и лошата ќе стане полоша. Кога ги знаеме овие закономерности на време, би требало полесно да одлучиме што сакаме. Потоа, да го одржиме својот позитивен став и со помош на поттикнувачките вибрации на Јупитер да издејствуваме посакуваното да стане наша реалност.

Влијанието на Соларната Еклипса ќе го чувствуваме во следните шест месеци. Но, ќе биде најсилно во следните месец дена. Па, многумина од нас по истекот на шесте месеци од моментот на Еклипсата, кога ќе се свртат наназад, ќе ја доживеат истата како невидлива сила која им го сменила животот од темел.

Во секој случај, Стелиумот планети во Јарец во мигот на Затемнувањето на Сонцето, и тоа во добар однос кон Уран во Бик, се гаранција за тоа дека што и да почнеме да работиме сега, успехот ќе биде неминовен. Па, дури и поголем отколку што сме се надевале и очекувале. Иако, заради фактот што Јарецот ги забавува работите, можно е реализацијата да се случи малку подоцна, со одложување. Во принцип, пожелно е токму во следните шест месеци да одиме на предавања и обуки кои би можеле да не остручат за некои нови професионални активности или да се консултираме со стручни лица околу водењето и ширењето на нашиот бизнис.

Соларната Еклипса најмногу среќа ќе им донесе на Јарците, Биковите, Девиците, Рибите и Шкорпиите. Посебно ако се родени во првите десет дена од владеењето на својот знак. Додека Овните, Вагите и Раковите ќе минуваат низ сериозни искушенија. Овните ќе имаат искушение во работата и во комуникацијата со авторитети. Вагите во семејните односи и со недвижниот имот. Раковите во бракот. Затоа пак, Јарците ќе се менуваат себеси и својот живот од корен. Биковите ќе имаат среќа во активностите поврзани со странство, законот и учењето. Девиците во љубовта и со децата. Рибите ќе ги сменат плановите за иднината и ќе имаат поддршка од пријателите. Шкорпиите ќе бидат силни на вилици, одлични во пишувањето и ќе ги подобрат односите со роднините. Близнаците ќе дојдат до идеа за подобрување на финансиската состојба. Лавовите ќе имаат среќни моменти на работа. Стрелците со парите. Водолиите во расчистување со минатото.

Со среќа нека ни се промените на сите

 

 
 
Регистрирано во Македонска Авторска Агенција
под реден број 970 Скопје
 
Ниту еден дел од овој текст не смее да биде препечатуван, копиран или објавуван во било која форма или на било кој начин во електронските или печатените медиуми, без писмена согласност од авторот.
Недозволеното репродуцирање се казнува со закон.