In English

En français

Говорот
на Судбината

Барате одговор на некое прашање? Треба нешто да одлучите а немате со кого да се посоветувате?
 
Кликнете на Книгата...

Останати теми:

Мое гледање на Астрологијата

Астролошките сајтови


Никој не избегал

Школо за новата реалност

Среќата го менува знакот

Седум фази

Плутон во Водолија

Господарот во матни води

Одиме на Марс

Кој сее ветер

Да сум јас некој

QUO VADIS MACEDONIA?

Никој не е совршен

Кај се тие времиња?

Сакам да се дружам само со убави луѓе

Лопови, Овци, Научници и Мистици

Црешовиот цвет

Кога ќе се сретнат Среќата и Фантазијата

Тест за пријателство

Сакај ме повеќе од се на светот

Денот на Свети Валентин

Победа на животот над смртта

Зошто славиме на 14-ти јануари

Чудни се патиштата Господови

Вашиот маж е вашето огледало

Зошто нашите желби не се исполнуваат?

Катарза на стравот од смртта

Што не спречува да бидеме среќни?

Зошто жените сакаат да личат на Џокер?

Убиство со збор

Кога бракот не е консумиран

Ретроградниот Меркур наш слуга

Кај што денот ја љуби ноќта

Кога ќе го преспиеш животот

Нејзиното Височество, Госпожа Карма

Те снаоѓа тоа...

Лоши работи, добри луѓе

Другата страна на надежта

Зошто е болно човештвото?

Дали најде радост

Пет чувари на бракот

Љуби, љуби, ама глава не губи

Во музиката е лекот

Ретроградниот Меркур работи за нас

Супер Цветна Крвава Месечина

Очи во очи со Кармата

Ниедна тајна не останала вечно скриена

Јупитер во Риби

Кога ќе се појавиш љубов моја?

Знаете ли кое е најдоброто патување?

Дај му го на другиот

Соковите на љубовта

Ретрограден Меркур во Лав И Рак

 
Објавено на 07.07.2019 во 00:19

Ретрограден Меркур во Лав И Рак
 

(Пораст на лагите, кражбите, подметнувањата, конфликтите, криминалот)

Во периодот од 7-ми до 19-ти јули 2019 година, Меркур ќе започне да се движи наназад во Лав. Потоа, во периодот од 19-ти јули до 1-ви август ќе продолжи да се движи ретроградно и низ Рак. За од 2-ри август повторно да тргне во директен од во Рак.

Што значи тоа?

Од астрономски аспект, тоа значи дека тој нема да се движи наназад по својата орбита буквално, бидејќи тоа е невозможно. Туку, гледано од Земјата, ќе се чини дека се движи наназад, заради разликата во брзината со која се движат Земјата и Меркур во однос на Сонцето.

Какво е влијанието на ретроградниот Меркур во Лав и Рак?

Како прво, Меркур, во астрологијата, е планетата задолжена за комуникациите и трговијата. Но, бидејќи астрологијата своите аналогии ги влече од митологијата, треба да се знае дека Меркур во митологијата, освен гласник на боговите, бил тој што смислувал несолени шеги, подметнувања, крадел, лажел. Оттука, своите негативни особини или грдата страна од своето лице, Меркур ги манифестира кога е во ретрограден од. Лавот пак е знак кој се одликува со театралност во размислувањето, зборувањето и однесувањето. Има ораторска дарба и секогаш е заинтересиран за големи дела и проекти. Ракот пак е интуитивен, затворен, таинствен, окупиран со прашања поврзани со домот, семејството и државата. Но, според истражувањата на ФБИ, Ракот е и најголемиот манипулатор во Зодијакот, прв според извршени криминални дела. Кога е во прашање личната корист, тој е подготвен да ги лаже и своите најблиски, да ги злоупотреби емоциите на луѓето. Па, дури е подготвен да ги злоупотреби и сопствените деца во борбата за материјална корист.

Како и да е, во периодот од 7-ми јули до 1-ви август 2019 година, кога Меркур ќе биде ретрограден, тој ќе ги покаже своите најлоши особини и од едниот и од другиот знак, и од Лав и од Рак. Оттаму, би требало да очекуваме дека ќе се зголеми ароганцијата во комуникацијата меѓу луѓето, ќе има многу недоразбирања заради оптовареноста на луѓето со спомените од минатото, како и заради колективното отсуство на чувството за реалност. Потоа, ќе се зголеми песимизмот, семејните расправии и проблемите околу наследствата и имотот. Но, ќе отсуствуваат и рационалните решенија на проблемите, како и способноста на луѓето за акција, со која би ги претвориле нивните желби во реалност.

Како резултат на незадоволството, замаглениот ум и конфузијата, би требало да порасне криминалот, лагите, кражбите, измамите, неверствата, озборувањата, подметнувањата, предавствата, тепачките, сообраќајките. За сметка на тоа, би требало да се зголеми обемот на работа на полицијата.

Во принцип, неповолните вибрации на Меркур ќе влијаат на тоа луѓето да зборуваат, ама да не го слушаат тоа што го кажува другата страна или да го преведуваат слушнатото на начин што е близок на нивната ментална матрица. Како резултат на ваквото однесување, често ќе се случува и двете страни да се чувствуваат како „изгубени во преводот.“ Затоа, периодот од 7-ми јули до 1-ви август 2019 година не е поволен за потпишување на важни и трајни договори. Бидејќи, речиси е 100% сигурно дека некоја од страните нема да се држи до договореното или пак би можело да се случи нешто непредвидено, што би пречело да се реализира договореното. Но, во овој период би требало да се зголеми и бројот на сообраќајните незгоди, како и проблемите во функционирањето на телефоните, компјутерите, превозните средства.

Како ретроградниот Меркур во Лав и Рак ќе влијае на секој знак од хороскопот?

Начин на читање: Најмногу ќе ви одговара текстот што одговара на вашиот Подзнак. Но, поголема ширина во сознанијата ќе добиете ако тие информации ги комбинирате со текстот што одговара на вашиот знак.

Доколку не го знаете вашиот подзнак, направете бесплатен примерок на вашата Натална Карта на:оваа страна.

Овен

Во периодот од од 7-ми до 19-ти јули 2019 година веројатно ќе имате проблеми во љубовниот живот или со децата, заради парите или ќе имате зголемени трошоци заради партнерот и децата. Но, не е исклучена ниту можноста да доживеете генерациски судир во односите со вашите деца. Внимавајте што зборувате и како се однесувате кон нив, бидејќи можно е да кажете или направите работи кои никогаш нема да ви бидат заборавени. Што се однесува до вашите чувства, нема да бидете повредени ако не ги сфаќате работите премногу лично. Во периодот од 19-ти јули до 1-ви август бидете подготвени дека некој од членовите на семејството би можел да ви „прави филмчиња“, со цел да ја скрие вистината за своите постапки од вас или со цел да ве искористи. За да не дојде до тоа, повторувајте си дека никој не направил толку многу за вас во минатото за да го сметате за безгрешен и во иднина.

Негативното влијание на Меркур во домот најмногу ќе го почувствуваат Овните родени во периодот од 20-ти до 24-ти март. Што се однесува до парите, вината за финансискита загуба во периодот од од 7-ми до 19-ти јули 2019 година ќе биде ваша, ако верувате дека можете да се збогатите на брз начин, преку кладилниците и коцкарниците.

Бик

Ретроградниот Меркур би можел да ги активира вашите стари, неразрешени проблеми, што ги имате во односите со членовите на вашето семејство, во периодот од 7-ми до 19-ти јули 2019 година. Притоа, вие ќе чувствувате револт кон неправдата што ви е направена од страна на останатите членови на семејството, посебно од страна на родителите. Меѓутоа, повеќе нема да можете да молчите и да чекате проблемите да поминат сами од себе, додека вие ја држите „главата во песок“, туку гласно ќе ги коментирате неправедните постапки на членовите на семејството, ќе бидете агресивни во комуникацијата, ќе си ги барате своите права, ќе го браните својот имот. Негативното влијание на Меркур најмногу ќе ги погоди Биковите родени во периодот од 20-ти до 24-ти април.

Сепак, паметно е да не купувате, продавате или делите имот до 19-ти јули, бидејќи постои опасност да не го добиете тоа на кое сте се надевале. А, и конфликтот со членовите на семејството полесно ќе се смири откако ќе умеете да разговарате со „студени глави“. Меѓутоа, непланираните трошоци за мајстори и поправките по дома тешко дека ќе можете да ги избегнете.

Во периодот пак од 19-ти јули до 1-ви август бидете двојно повнимателни во сообраќајот, внимавајте што потпишувате и каде го чувате паричникот.

Близнаци

Во периодот од 7-ми до 19-ти јули 2019 година би требало да бидете исклучително внимателни каде одите, со кого се дружите, што им кажувате на оние што ги сметате за блиски. Посебно на социјалните мрежи. Бидејќи, тоа ќе биде начинот да се заштитите од манипулации и кражби. Но, ќе треба да бидете рестриктивни и со тоа што го кажувате пред браќата, сестрите и соседите, бидејќи нивните мотиви во комуникацијата со вас веројатно нема да бидат добронамерни. А, некои свесно ќе работат против вас. Имајте на ум дека она за што ќе се договорите со сестрите, браќата или соседите до 19-ти јули, ќе биде прекршено од нивна страна поради некоја причина. Истото важи и за договорите на професионален план. Затоа, почекајте да помине 19-ти јули, па тогаш ставете го својот потпис на важните документи или договори.

Исто така би требало да покажете зголемено внимание како учесник во сообраќајот, со што ќе ги избегнете и евентуалните казни за сообраќајни прекршоци, за поправка на автомобилот и слично. Но, под влијанието на ретроградниот Меркур би можеле да имате проблеми и со компјутерот, телефонот или при полагањето на испитите. Затоа пак, во периодот од 19-ти јули до 1-ви август не се залетувајте купувајќи работи што не ви требаат или ги надминуваат вашите финансиски можности.

Рак

Вие сте луѓе кои ги сакаат парите и се што може со нив да се купи. Меѓутоа, во периодот од 7-ми до 19-ти јули 2019 година постои опасност непријатно да се изненадите поради некои трошоци што не сте ги планирале ниту сте ги очекувале. А, се поврзани со местото на живеење, домот или со членовите на семејството. Но, непланираните трошоци би можеле да бидат резултат и на вашата желба за луксуз. Како и да е, би било мудро од ваша страна ако до 19-ти јули се воздржите од давање и земање пари на заем, од непроверени инвестиции и ако ги испружите нозете само онолку колку што ви е долга чергата.

Имајте на ум дека некои од членовите на вашето семејство ќе се однесуваат претерано агресивно и неправедно кон вас и дека ќе ве разочараат. Но, позитивната страна од сето тоа ќе биде фактот што вие, конечно, ќе го видите нивното вистинско лице. Затоа пак во периодот од 19-ти јули до 1-ви август, луѓето на кои им глумите добрина и чесност би можеле да го видат вашето вистинско лице, бидејќи вашиот јазик ќе биде побрз од умот и би можеле да кажете работи за себе што вешто ги криевте. Посебно ако сте родени во периодот од 22-ри до 27-ми јуни.

Лав

Вие сте познати како самобендисани луѓе кои секогаш стремат кон нешто големо. Но, често и ги преценуваат своите капацитети и можности. Сепак, способни сте да ги заинтересирате луѓето за своите ставови и умеете да ги организирате да работат за вас. Меѓутоа, во периодот од 7-ми до 19-ти јули 2019 би можела да ве обземе таква интелектуална инертност, што ќе ви биде тешко да излегувате од дома и да комуницирате со луѓето. Веројатно ќе ве обземе песимизам и депресија. Па, ќе се чувствувате дезориентирано и збркано, како да сте надвор од својата кожа.

Ситници ќе ве раздразнуваат и ќе ве прават агресивни. А, вашите реакции ќе бидат импулсивни. Посебно на професионален план и во јавност. А, уште повеќе ако сте родени во периодот од 24-ти до 28-ми јули.

Во суштина, луѓето ќе ви одат на нерви, а и вие ним. Како и да е, внимавајте како се однесувате и што зборувате пред другите, бидејќи тоа би можело да му пречи на вашиот имиџ. Не е пожелно да давате ветувања за кои не сте сигурни дека можете да ги исполните. Имајте на ум дека, ако се обидете да излажете или со манипулации да се спасите од одговорноста, таквата постапка подоцна поскапо ќе ве чини. Во периодот од 19-ти јули до 1-ви август ќе сакате да се скриете од светот.

Девица

Во периодот од 7-ми до 19-ти јули 2019 година би требало како грне да вриете од лутина и гнев. Но, тоа нема да го покажувате јавно, бидејќи ќе мислите дека сте во предност пред другите додека успевате да тактизирате со чувствата. Притоа, нема да забележувате дека ви е тешко да се вклопите во секојдневната рутина и да го одржите чекорот со настаните кои ќе се менуваат како на филмска лента.

Всушност, често ќе се случува во важни моменти да бидете отсутни со духот, обземени од анализата на вашите постапки во минатото и од прашањата дали, каде и колку згрешивте? Обземеноста со мисли и неискажаниот бес би можеле да ви го намалат квалитетот на сонот. И можеби е добро што сонот нема да ви доаѓа на очи, бидејќи така ќе имате поголема будност да ги детектирате луѓето кои ќе ви работат зад грб. За да се заштитите од предавства отворете четири очи и проверете ја лојалноста на оние што ви се претставуваат како пријатели, а се родени во знакот Лав. Потоа, во периодот од 19-ти јули до 1-ви август, би можело да дојде до промена на вашите планови. А, можно е и да се разочарате во некој пријател роден во знакот Рак.

Вага

Под влијанието на ретроградниот Меркур, во периодот од 7-ми до 19-ти јули 2019 година, можеби ќе биде потребно да ги одложите вашите планови заради финансиски причини или ќе треба да направите драстична промена на приоритетите во својот живот. Вие сте по природа дволични и два пати мерите пред да кажете нешто пред некого. Посебно пред луѓето кои не го поминале вашиот тест на доверба. Овој пат е пожелно да бидете потаинствени и попретпазливи во комуникацијата со пријателите, со луѓето со кои членувате во ист клуб, организација или политичка партија. Бидејќи, постои опасност некој од нив финансиски да ве измами, да ве предаде или пак да бидете во зијан заради неговите постапки.

Имајте на ум дека, ако некој пријател или познаник се појави со примамливи понуди за вас, она што ќе ви личи дека е премногу добро да биде вистина, најверојатно и нема да биде вистина. Потоа, во периодот од 19-ти јули до 1-ви август би можеле да имате немили ситуации на професионален план, поврзани со вашите претпоставени и со колегите. За да ги избегнете најдобро е да си го контролирате јазикот и да не влегувате во никакви табори. Опасноста ќе биде најголема за Вагите родени во периодот од 24-ти до 28-ми септември.

Шкорпија

Периодот од 7-ми до 19-ти јули 2019 година ќе го доживеете како време исполнето со многу нервози и неизвесност. Меѓутоа, заради тоа што сте познати како длабокоумни луѓе кои не го кажуваат јавно своето мислење, ќе биде попрофитабилно за вас ако во овој период уште повеќе го филтрирате она што им го кажувате на другите и ако потезите на професионален план и во јавноста ги влечете со голема доза на смиреност и старечка мудрост. Така ќе ги избегнете евентуалните штети што самите би можеле да си ги нанесете на кариерата. Посебно ако сте родени во периодот од 24-ти до 28-ми октомври.

Исто така, со цел да си го зачувате достоинството и репутацијата, не е пожелно да ги озборувате колегите и претпоставените, ниту да влегувате во спротивставени табори на работното место. Додека, ако потпишувате или испраќате некому некакви документи, отворете очи и на тилот, за да не се случи да потпишете нешто неповолно за вас или да испратите доверлива пошта на туѓа адреса. Затоа пак во периодот од 19-ти јули до 1-ви август би требало да бидете повнимателни ако патувате за странство. Постои опасност да го загубите багажот, да имате проблеми со туристичката агенција, да ви бидат украдени документи и пари. Избегнувајте ги судските рочишта во периодот од 19-ти јули до 1-ви август.

Стрелец

Постои можност во периодот од 7-ми до 19-ти јули 2019 година да биде одложено некое ваше патување поради професионални или поради здравствени причини. Но, можно е да имате и проблеми на работното место заради некое патување или да се соочите со правна разврска на некоја ваша професионална активност. Исто така, можно е да имате компликации поврзани со патните документи, визите, да загубите багаж на патување во странство, како и да се соочите со проблеми заради непознавање на законот на земјата домаќин. Затоа, ако е неопходно да патувате, добро е сериозно да се организирате и информирате за законите на земјата во која ќе престојувате. Во спротивно, можно е да се соочите со правни проблеми.

Затоа пак во периодот од 19-ти јули до 1-ви август би требало да бидете повнимателни со парите, да ги враќате долговите на време, да ги плаќате сметките, да се воздржите од заеми. Вашето неразумно однесување во сексот би можело да ве чини пари заради посета на доктор.

Јарец

Во периодот од 7-ми до 19-ти јули 2019 година би можеле да потрошите повеќе пари отколку што сте планирале на работи што ви причинуваат задоволство, на партнерот, на децата. Тоа што ќе потрошите за ваше задоволство не го жалете, бидејќи смислата на поседувањето пари е токму да ви обезбеди чувство на сигурност, слобода и можност да купите работи кои ви причинуваат задоволство. Меѓутоа, со цел да не излезете „насамарени“ и финансиски искористени, би било пожелно да се воздржите од давање или барање пари на заем. Исто така, проверете дали сте ги платиле сите сметки и дали сте ги подмириле сите рати од кредитите. Постои можност да платите камата на заборавени сметки или хонорар за извршител.

Меѓутоа, ако парите ги дадете во кладилница, за игри на среќа или на коцка, тие нема да ви се вратат никогаш. А, постои и опасност да се задолжите кај сомнителни доверители. На љубовен план е можно некои ваши непромислени и навредливи зборови да предизвикаат фрустрации кај партнерот. А, тоа да има негативни реперкусии по вашиот сексуален живот. Посебно во периодот од 19-ти јули до 1-ви август. А, уште повеќе ако сте родени во периодот од 22-ри до 26-ти декември.

Водолија

Ретроградниот Меркур би требало да донесе нестабилност во вашите партнерски односи, во периодот од 7-ми до 19-ти јули 2019 година. Уште повеќе ако сте родени во периодот од 21-ви до 26-ти јануари, ако сте во брак и ако односите со брачниот партнер се веќе нарушени. Во тој случај, судирот на мислења меѓу вас и брачниот партнер е речиси неизбежен, како и проблемите поврзани со изборот на место за живеење, проблемите со родителите или проблеми предизвикани од конфликтот меѓу вашите родители и вашиот брачен партнер. Кој што кажал, кој што мислел, кој лажел, а кој е олицетворение на вистината, ќе бидат темите околу кои ќе ја водите вашата „војна на Роузови.“ Победник ќе биде оној кој ќе ги закачи боксерските ракавици на шајка и ќе чека до 19-ти јули 2019 да помине бурата, што ја создаваат вознемирувачките вибрации на Меркур.

Ако пак планирате да стапите во брак, можно е вашите родители да се спротивстават на вашите планови или пак да се соочите со непланирани правни пречки. Исто така, пожелно е да внимавате како се однесувате на јавни места, со цел да ја избегнете осудата за јавно изречен збор или постапка. Ако сте во ортачки бизнис, би требало да отворите четири очи за да се поштедите од грешките или подметнувањата од страна на бизнис партнерот. Затоа пак во периодот од 19-ти јули до 1-ви август ќе треба повеќе внимание да му посветите на здравјето и да бидете повнимателни во професионалната комуникација. Постои опасност да испратите документи на погрешна адреса или да имате проблеми со компјутерот или телефонот.

Риби

Во периодот од 7-ми до 19-ти јули 2019 година би можеле да се соочите со проблеми на работното место. Можно е да ви недостасува концентрација или да ви треба повеќе време за извршување на стандардните работни обврски. Ќе ви биде исклучително тешко да го контролирате својот темперамент и желбата да ја злоупотребувате слаткоречивоста за креирање на византиски игри во професионалните кругови. Но, тоа ќе биде крајно потребно со цел да се поштедите од срамот што би го доживеале кога ќе бидете откриени и осуетени. Подбуцнувањата и ниските удари нема да ви бидат толерирани од страна на колегите. Она што ќе очекувате на професионален план веројатно нема да се оствари, што дополнително ќе ве фрустрира. Со цел да не дозволите ситуацијата да стане полоша отколку што реално е, би требало да се воздржите од групирања на работното место и од озборувања на колегите и претпоставените.

Потоа пожелно е да внимавате што потпишувате, кому и што испраќате, како возите, каде се паркирате. Но, можно е да имате и здравствени проблеми поврзани со респираторниот систем.

Затоа пак, во периодот од 19-ти јули до 1-ви август би требало да бидете повнимателни во комуникацијата со партнерот и децата. Така ќе се поштедите од конфликти и навреди.

 

 
 
Регистрирано во Македонска Авторска Агенција
под реден број 970 Скопје
 
Ниту еден дел од овој текст не смее да биде препечатуван, копиран или објавуван во било која форма или на било кој начин во електронските или печатените медиуми, без писмена согласност од авторот.
Недозволеното репродуцирање се казнува со закон.
 

Изгледот на страницата одговара за Водолиите. За да изберете друг изглед на страницата, кликнете во табелата што се наоѓа погоре.


Дознајте дали сте типичен претставник на вашиот знак.
Направете го овој тест.


Вашата Натална Карта на Астроскопиа ќе ви помогне

радикално да го подобрите вашиот животВашата Натална Карта на Астроскопиа ќе ви открие кои се вашите скриени таленти, во кои професии би можеле да постигнете најголем успех, каков е вашиот однос со колегите и претпоставените и зошто, какви се вашите потенцијали на финансиски план.


Наталната карта која ја направив кај вас е рефлексија на мојата душа, на суштината на она што сум јас или на она што се нарекува битие!!! Благодарам што ми ја покажавте вратата кон другите скриени димензии на креацијата наречена живот! 

Димитар Луневски-Чипо, Скопје


Зачленете се тука за да можеме да ве информираме секогаш кога ќе имаме нешто ново.


Општи прашања и коментари за Астрологот. (Доколку имате лични прашања, одете на страницата Совети.)


© 2005-2024
Виолета Марсол
Сите права се задржани

Насловна страна | Знаците и... | АстроПортети | Натална Карта | Детски Хороскоп | Љубовен Хороскоп | Бизнис Хороскоп | АстроСовети

Насловна страна Знаците и... АстроПортети Натална Карта Детски Хороскоп Љубовен Хороскоп Бизнис Хороскоп АстроСовети Овен Бик Близнаци Рак Лав Девица Вага Шкорпија Стрелец Јарец Водолија (тековен стил) Риби