j Astroscopia - Крадци



In English

En français

Говорот
на Судбината

Барате одговор на некое прашање? Треба нешто да одлучите а немате со кого да се посоветувате?
 
Кликнете на Книгата...

Останати теми:

Мое гледање на Астрологијата

Астролошките сајтови


Трагачи по возбуда

Важно е да ми чури оџачето

Глупава младина - неизвесна иднина

Денови на среќни околности

Се родив прерано, не те сретнав тебе

Кога умира душата?

Колку трае еден ден на секоја планета

Светот е глобално ријалити шоу

Луѓето се како очи

Убавите круши...

Како да знаеме дали е наше тоа што ќе дојде

Ретрограден Марс во Овен

Најголемата слабост на секој знак

Бони и Клајд

Несудената Фрида Кало

Јуни 2020 - Месец на две Еклипси

Сите бои на Виножитото

Љубов, Ах Љубов

Човекот наречен Надеж

Сатурн во Водолија

Ретрограден Меркур во Риби

Француски бакнеж

Годишен хороскоп за 2020 година

Ни претстои неочекувано среќен период

Во што се крие благословот

Ретрограден Меркур во Шкорпија

Што ќе ни донесат ѕвездите во октомври 2019?

Венера во Вага - Време за Љубов

Млада Црна Месечина на 30 август 2019

Немаш ни благодарам

Ќе ја сретнеш својата судбина

Ни на Небо, ни на Земја

Затемнување на Месечината на 16 јули 2019

Не ја мати водата

Ретрограден Меркур во Лав И Рак

Талентот е Божји дар

Вера, Надеж и Љубов

Сиротата мала богаташка

Ѕвезденото небо над светот во јуни 2019

Двете Марии

Скршеното огледалце

Цветна, Сина Месечина на небото на 18-ти мај

Министерот со шешир и темни очила за сонце

Ѕвезденото небо над светот во мај 2019

Љубовта е во воздухот

Нека го фрли првиот камен...

Сатурн коњукција Плутон

Ќерката на офицерот со ружи

Ретроградни планети - што ќе ни донесат?

Крадци

Објавено на 16.10.2020 во 09:44

Крадци
 

Крадци, драги мои, има откако е светов и веков. Некои од нив се подобри во својот занает, некои полоши. Некои пак сеуште се во процес на учење на занаетот. А, се краде се. Само треба да одлучиш за кој фах ќе се определиш, за кој имаш најмногу природни таленти и за кој највеќе те бидува. За крадење материјални работи или за посуптилни нешта?

Така, има крадци извештени во кражба на паричници и чанти, таканаречени џепароши. Па ти, додека трепнеш, твојата чанта веќе го сменила сопственикот и завршила во нивни раце. Можеби во прв момент ќе ве изгори нивната постапка, не толку поради парите, туку поради документите што ќе треба одново да ги вадите. Ама старите велеа: „Да го благословиш тој што ти зема малку. Така ти создава простор да ти дојде многу.“

Потоа, има крадци од „високото доброутро“. Овој израз се користеше во времето на социјализмот за означување на политичките елити. Велам политички, а не и бизнис елити, бидејќи во тоа време не постоеше шанса да бидеш на висока позиција во бизнисот ако не си политички подобен. Ако подразмислам, ништо суштински не е сменето ниту денес.

Е, овие „дами и господа“ не трошат врeме на крадење на ситно. Тие пукаат на високо и го крадат народот на најневозможни начини. Ова „невозможни“ се однесува на организираните држави каде се почитува законот. Во Македонија се е возможно.

Има поперфидни крадци кои ги присвојуваат вашите идеи и ги претставуваат како нивни. Тие многу одат на нерви, ама штетата што ја прават може да се докаже и материјално да се компензира. Имајте разбирање за овие луѓе. Тие и понатаму ќе имаат проблем со своето его и со чувството на помала вредност. А, вам никој не може да ви го земе тоа што го знаете и умеете. Никој, освен Господ.

Некои се би дале само да ги украдат вашите пријатели. Дали за да го искористат вашето име за да дојдат до услуга за себе, дали да го заземат вашето место покрај нив или од чиста завист и љубомора. Ич гајле да не ви е. Оној што посегнал по вашите пријатели не е ваш пријател. А, тие што ви свртиле грб поради некој трет не заслужуваат да ја носат титулата ваши „вистински пријатели“.

Некои крадци ќе се окозат додека не го украдат вашиот имиџ. Тие се најсмешни и затоа не се секирајте за нив. Се знае кој е оригиналот, а кој е копијата. Бидејќи имиџот на личност која го украла изгледа како облека која не и пасува. Таа е или предолга или прекуса, преширока или претесна, со боја и дезен што не одговара на тенот на тој што ја украл. Така што личноста која украла нечиј имиџ самата се казнила себеси бидејќи изгледа како гротеска.

Постојат и романтични крадци кои се задоволни ако ви ја украдат само насмевката кога се разминувате со нив на улица. Тие се најсимпатични. Па, штедро дарувајте ги со насмевки. Вас ништо не ве чини, а ним ќе им го разубавите денот.

Посериозните крадци се верзирани за кражба на туѓи жени и мажи. Не дека им се потребни, но така си докажуваат себеси дека вредат повеќе отколку што се убедени дека навистина вредат. Или пак, за да избегаат од една грешка што направиле во животот со изборот на погрешен партнер, запаѓаат во друга. И ним не им замерувајте. Оној што навистина ве сака не дозволува да биде украден. А, оној што ќе дозволи...Е, па среќен му пат. Таму му е местото.

И сето ова до тука е мачкина кашлица, драги мои.

Полека доаѓаме до оние крадци кои сериозно ја предизвикуваат кармата на двобој. А, кармата сите знаеме што е. Кармата е...кармата е...кармата е кучка, нели?

Е, овие мангупи што се дрзнуваат да си играат со кучката која враќа со камата се крадците верзирани на тема СРЦЕ. Не, не. Не станува збор за животинско срце што сеуште може да се купи во понекоја старовремска месарница. Не, тие се махери за кражба на вистинско, човечко срце. Е, сега и тука има повешти и помалку вешти крадци.

Учениците од пониските класови умеат само да ви го украдат телото надевајќи се дека тоа ќе им ги отвори портите што водат до вашето срце. Ако не за подолго, тогаш на час или два, додека не ги задоволат своите биолошки потреби. Доколку им помогнете да успеат во своите намери вие станувате нивен соучесник. И добро. Можеби на крајот нема да добиете љубов, ама ќе добиете мигови кои ќе ви личат на љубов. А, во денешно време и тоа не е за фрлање.

Оние кои веќе ја совладале оваа постапка преминуваат на следниот чекор - вистинка кражба на вашето срце. Директно, дрско, без пардон. Не викам дека немаат вина. Ама на крајот од вас зависи дали ќе и се предадете на илузијата или ќе го оставите крадецот со празни раце.

Како стануваат повешти во оваа процедура, најбезобразните и најинтелигентните крадци стремат кон вашата ДУША. Зошто? Затоа што веќе знаат дека кога ќе им ги отклучите нејзините одаи, телото и срцето сами ќе ја следат и вие ќе станете нивни поданици. И знаете што е најчудно? Тие што ја загубиле својата душа најчесто посегаат по нечија туѓа со цел да ја покријат својата голотија. Е, за овие не можам да најдам оправдување. Бидејќи душата е вонвременска и вонпросторна категорија која не можете да ја поседувате ниту вие самите, туку само некој кој не е ограничен со време и простор, само оној кој ја создал. Само Господ.

Има и варијации на оваа тема. Така, бездушните крадци најчесто крадат деца...и така натаму...и така натаму...

Но сепак, најлоши од сите се оние кои ќе посегнат по вашата ИДНИНА. Тоа го прават перфидно, го пакуваат во блескава хартија на која пишува „За ваше добро“ и се трудат да ви го подметнат како колаче на чинијата за чај. Ако го прифатите „Тројанскиот коњ“ тогаш тие ќе ви одредуваат како ќе живеете, што треба да ви се допаѓа а што не, што ќе учите, со кого ќе се мажите или жените, колку деца ќе имате, во што ќе верувате, на кој Бог ќе му се поклонувате и како тоа ќе го правите...Па, одат до таму што ќе ви наредуваат како треба да се грижите за своето тело, дух и душа, кои лекови да ги пиете, каква храна да јадете, ќе ви наредуваат кога да се вакцинирате, колку слобода ќе имате и како ќе ја практикувате истата.

Внимавајте, овде не станува збор за совет или сугестија. Станува збор за НАРЕДБА. Е, тие што ова го прават си земаат улога поголема од таа што ја има Господ, бидејќи тој ни оставил слободна волја и слободен избор. Затоа, за ваквиот вид крадци нема оправдување.

Сега се прашувам, што е тоа што одредува кој што ќе краде? Дали тоа произлегува од карактерот на личноста? Од нејзиното воспитување во детството? Од хороскопскиот знак? Веројатно од се по малку.

Потоа ми навираат нови прашања. Дали Овните најмногу крадат коли, како што вели астрологијата? Дали Биковите ординираат по марктите и банките? Дали Близнаците се најшармантните крадци кои крадат преку манипулации? Дали Раковите се најрасипани бидејќи прво се стремат да ви го украдат срцето, па потоа вие сами ќе им го дадете останато што го поседувате. Дали Лавовите ја крадат туѓата слава и поуларност, а оние што се поматеријални пружаат рака кон туѓите пари, банките и златарниците?

Можеби Девиците се најорганизирани крадци, бидејќи се најдобри сметководители? Зарем Вагите не се најдобри во кражба на туѓиот идентитет, а Шкорпиите во посегање по туѓите мажи и жени? Дали Стрелците се што им се допаѓа го сметаат како свое и не се оптоваруваат со идеата дека нешто украле? Нели Јарците би биле најсреќни кога некому би го украле шефовското место или банкарската сметка? Водолиите се познати фалсификатори и вешти плагијатори на уметнички дела. Додека Рибите сакајќи да украдат нечие срце нема да забележат дека го дале сопстевното, а попрактичните од нив би обиле некоја аптека или винотека.

И доколку, според степенот на направената штета и според големината на гревот, ги сместиме сите видови крадци низ круговите на пеколот за кои пишува Данте, според мене, во деветтиот, вечно оковани од студ и мраз, ќе бидат оние кои се дрзнале да украдат нечија душа и нечија иднина.

Потрудете се да не бидете тоа вие.

Виолета С. Марсол

 

 
 
Регистрирано во Македонска Авторска Агенција
под реден број 970 Скопје
 
Ниту еден дел од овој текст не смее да биде препечатуван, копиран или објавуван во било која форма или на било кој начин во електронските или печатените медиуми, без писмена согласност од авторот.
Недозволеното репродуцирање се казнува со закон.
 

Изгледот на страницата одговара за Девиците. За да изберете друг изглед на страницата, кликнете во табелата што се наоѓа погоре.


Дознајте дали сте типичен претставник на вашиот знак.
Направете го овој тест.


Вашата Натална Карта на Астроскопиа ќе ви помогне

радикално да го подобрите вашиот животВашата Натална Карта на Астроскопиа ќе ви открие на кои болести сте склони и зошто. Па, откако ќе ги победите причините, ќе исчезнат и негативните последици по вашето здравје.


Од секогаш сакав да си одговорам на моите големи, длабоки прашања. После средбата со вас и читањето на мојата натална карта сите одговори си дојдоа на своето место... Наталната карта ме разбуди, упати да тргнам по правата патека од мојот живот. 

Р.Б., Штип


Зачленете се тука за да можеме да ве информираме секогаш кога ќе имаме нешто ново.


Општи прашања и коментари за Астрологот. (Доколку имате лични прашања, одете на страницата Совети.)


© 2005-2020
Виолета Марсол
Сите права се задржани

Насловна страна | Знаците и... | АстроПортети | Натална Карта | Детски Хороскоп | Љубовен Хороскоп | Бизнис Хороскоп | АстроСовети

Насловна страна Знаците и... АстроПортети Натална Карта Детски Хороскоп Љубовен Хороскоп Бизнис Хороскоп АстроСовети Овен Бик Близнаци Рак Лав Девица (тековен стил) Вага Шкорпија Стрелец Јарец Водолија Риби