In English

En français

Говорот
на Судбината

Барате одговор на некое прашање? Треба нешто да одлучите а немате со кого да се посоветувате?
 
Кликнете на Книгата...

Останати теми:

Мое гледање на Астрологијата

Астролошките сајтови


Ретрограден Марс во Овен

Најголемата слабост на секој знак

Бони и Клајд

Несудената Фрида Кало

Јуни 2020 - Месец на две Еклипси

Сите бои на Виножитото

Љубов, Ах Љубов

Човекот наречен Надеж

Сатурн во Водолија

Ретрограден Меркур во Риби

Француски бакнеж

Годишен хороскоп за 2020 година

Ни претстои неочекувано среќен период

Во што се крие благословот

Ретрограден Меркур во Шкорпија

Што ќе ни донесат ѕвездите во октомври 2019?

Венера во Вага - Време за Љубов

Млада Црна Месечина на 30 август 2019

Немаш ни благодарам

Ќе ја сретнеш својата судбина

Ни на Небо, ни на Земја

Затемнување на Месечината на 16 јули 2019

Не ја мати водата

Ретрограден Меркур во Лав И Рак

Талентот е Божји дар

Вера, Надеж и Љубов

Сиротата мала богаташка

Ѕвезденото небо над светот во јуни 2019

Двете Марии

Скршеното огледалце

Цветна, Сина Месечина на небото на 18-ти мај

Министерот со шешир и темни очила за сонце

Ѕвезденото небо над светот во мај 2019

Љубовта е во воздухот

Нека го фрли првиот камен...

Сатурн коњукција Плутон

Ќерката на офицерот со ружи

Ретроградни планети - што ќе ни донесат?

Ѕвезденото небо над светот во април 2019

Кралот на Троседот

Оној што спасил живот

Ветената Земја

Ретрограден Меркур во Риби

Имаш лице какво што заслужуваш

Ѕвезденото небо над светот во декември

Женски Болести

Јами Мами од Мајами

Јупитер во Стрелец

Ѕвезденото небо над светот во ноември

Ако сте родени меѓу два хороскопски знака

 
Објавено на 24.10.2018 во 17:01

Ако сте родени меѓу два хороскопски знака
 

Ако спаѓате во онаа група луѓе кои се родени на преминот од еден во друг знак сигурно се прашувате на кој знак му припаѓате? Тоа со сигурност можете да го дознаете само дури кога ќе се направи пресметка на позицијата на која што било Сонцето во моментот кога сте се родиле. Но, оние кои се родени 3 до 5 дена пред преминот на еден знак во друг, ќе ги имаат особините и од двата знака. Кај оние пак кои се родени во првите 10 дена од почетокот на новиот знак, најсилно ќе се манифестираат особините на тој знак.

Каков ќе биде миксот на вашите особини ако сте родени на границата меѓу два хороскопски знака следува подолу во текстот.

Овен (родени од 16 до 21 април)

Во овие денови обично се раѓаат херои. Овие луѓе ќе го задржат вулканскиот темперамент од Овенот, на кој ќе се надоврзе и желбата се да контролираат. Иако се храбри и знаат што сакаат, тие нема да реагираат на прва топка, туку работите ќе ги прават етапно и внимателно. Се однесуваат тврдокорно, брзо се разбеснуваат. Но, им треба многу време да се смират кога ќе се разбеснат. Нивна најголема маана е што немаат слух за туѓото мислење и ако ова го победат, од нив би можеле да станат вистински лидери. Најчесто се занимаваат со професии кои се поврзани со економијата.

Бик (родени од 17 до 22 мај)

Во овие денови обично се раѓаат генијалци. Иако Бикот важи за најтромиот знак во Зодијакот, луѓето кои се родени на преминот од Бик кон Близнаци се сосема поинакви. Тие се интелигентни, имаат капацитет за научничка работа. Добри се и за работа во социјални установи. Од друга страна, тие се луѓе кои го следат своето срце и не го запоставуваат својот љубовен живот. Ги сакаат парите и тоа што со нив може да се купи. Па, за таа цел некои се подготвени до пари да дојдат на таинствен начин или пак ги кријат материјалните добра кои ги поседуваат. Така што на крајот завршуваат или со многу имот или без ништо.

Близнаци (родени од 17 до 22 јуни)

Ова се денови кога се раѓаат снаодливи луѓе. Овие луѓе се талентирани за повеќе работи. А, посебно за сите гранки на уметноста. Се однесуваат изнасилено љубезно кон другите луѓе. Но, во суштина се премногу чувствителни и несигурни. Многу фантазираат, но ретко што реализираат. Ако нешто ви ветат, сметајте дека тоа го прават со некоја прикриена цел и дека ветеното никогаш нема да го исполнат. Зад маската на кокетност се кријат суштества кои копнеат за сигурност, љубов и нежност. Иако немаат способност некому да нанесат некое посериозно зло, најчесто не се омилени кај луѓето заради нивната склоност да озборуваат, смислуваат трачеви и да сплеткарат.

Рак (родени од 19 до 24 јули)

Во овие денови се раѓаат најголемите заводници и од женски и од машки пол. Шармантни се и оставаат впечаток каде и да се појават. Кај овие луѓе се води внатрешна борба при одлуката каде припаѓаат и каде би сакале да припаѓаат. Од една страна го сакаат народското, а од друга сонуваат за аристократското. Премногу се чувствителни, посебно на туѓиот потсмев. Затоа се трудат да не направат некаква грешка. Токму стравот од грешки ги спречува да експериментираат и нормално да се развиваат. Како и да е, тие умеат да трпат без да се жалат. Но, ако станат славни, тоа, на некој начин, може да биде опасно за нив.

Лав (родени од 19 до 24 август)

Во овие денови се раѓаат најмногу пронаоѓачи. Овие луѓе се честољубиви. Можат да се пофалат со специјална логика, поразлична отколку кај другите луѓе. Многу се прецизни во работите што ги прават. Но, бидејќи сметаат дека се подобри од другите луѓе во комуникацијата се непристапни. Затоа, или ќе се изборат за позиција од моќ или навредени ќе се повлечат од играта. Желбата за брзо збогатување може да ги наведе на шверц и други видови криминал со злато и други скапоцености. А, најчувствителен дел од нивното тело е срцето.

Девица (родени 19 до 24 септември)

Во овие денови се раѓаат најмногу мудри луѓе. Родените во овој период се најчесто исклучително интелигентни, со убав изглед. Се трудат секогаш да бидат чисти и уредни. Перфекционисти кои сакаат да бидат опкружени со убави работи. Во комуникацијата со луѓето се тактични и обично оставаат убав впечаток, иако на емотивен план тешко наоѓаат рамнотежа, бидејќи имаат променливо расположение и се ситничари. Имаа развиена моќ на забележување детали и добра проценка на ситуациите. Меѓутоа, слаба страна им се нервите и пречувствителни се на многу лекови иако можно е да ги трошат како да се бонбончиња.

Вага (родени од 19 до 24 октомври)

Во овие денови се раѓаат најмногу истражувачи на непознатото. Овие се вредни луѓе со голем потенцијал, кои обично го добиваат тоа што го сакаат. Би можеле да бидат многу креативни. Но, бидејќи се склони на екстреми претходно мора да поработат на средување на своите чувства и на мотивите за своите реакции. Некогаш имаат потреба да бидат сожалувани од другите. Друг пат имаат потреба да глумат дека се среќни кога не се и обратно. Способни се за истерување на правда и за професии кои се поврзани со правото и правдата. Меѓутоа, ќе мора да внимаваат да не потпаѓаат на провокации и да прават чести лекарски контроли на работата на нивните бубрези.

Шкорпија (родени од 18 до 23 ноември)

Во овие денови се раѓаат луѓе кои умеат на материјалните работи да им дадат духовна димензија. Овие луѓе најчесто се заинтересирани за науката, политиката, философијата или мистиката. Имаат во себе некоја невидлива сила која им помага да се одвојат од толпата и да бидат забележани од другите. Овие луѓе се способни да реализираат работи што е невозможно да ги реализира никој друг. Длабокоумни се. Се изразуваат остро и прецизно како жилет, во ироничен манир. Во исто време се практични и длабоко емотивни. Заради својата харизма и заради страста со која се впуштаат во секоја работа можат да бидат одлични мотивациони говорници. Но, и одлични манипулатори.

Стрелец (родени од 17 до 22 декември)

Во овие денови се родени најмногу духовно разбудени луѓе. Во овие луѓе се прекршува врзаноста за традицијата со потребата од нешто ново и напредно. Па, ако успеат овие две спротивставени тенденции да ги соединат преку она што ќе работат, би можеле да постигнат голем професионален успех. Дури е можно од своите современици да бидат сметани за визионери. Меѓутоа, мал е бројот на таквите луѓе. Повеќето Стрелци родени во овој период и се предаваат на мрзливоста и на желбата да заработат без труд. Па, обично остануваат трајно невработени или имаат несигурен професионален ангажман, за што самите се виновни. А, заради својот несериозен и неодговорен однос кон луѓето можно е да си создадат и многу непријатели.

Јарец (родени од 16 до 21 јануари)

Во овие денови се раѓаат најмногу водачи. Овие луѓе се паметни, одлучни, несекојдневни, индивидуалисти. Тврдоглави се и лојални кон оние што ја заслужиле нивната доверба. А, такви се малку, бидејќи тие во принцип не им веруваат на луѓето. Веруваат во судбината и затоа не се возбудуваат многу при секојдневните случувања. Во секоја ситуација сакаат да бидат најдобри и не прифаќаат пораз. Иако се недоверливи кон луѓето, умеат да ги мотивираат да го дадат најдоброто од себе. Често пати имаат проблем со зглобовите.

Водолија (родени од 16 до 21 февруари)

Во овие денови се раѓаат најмногу фантазери. Овие луѓе изгледаат како да не се присутни во реалноста, како да си живеат во некој свој свет на фантазии. И токму нивната склоност да фантазираат ги прави привлечни во очите на другите. Голем успех би постигнале ако успеат своите соништа да ги реализираат на конструктивен начин. Покажуваат голем интерес за читање и пишување. А, најмногу уживаат во романи. Поседуваат силна интуиција која им помага да ги предвидат настаните во иднината, како и своите непријатели. Срцето е нивна слаба страна.

Риби (родени од 17 до 22 март)

Во овие денови се раѓаат најмногу пророци и проповедници. Овие луѓе се похрабри од типичните Риби и непоколебливи се во решеноста своите соништа да ги спроведат во дело. Во тој потфат најчесто и успеваат. Меѓутоа, проблематичен е нивниот емотивен живот. Растргнати меѓу желбата за љубов и кариера, често се однесуваат неправедно кон своите партнери. Како резултат на тоа имаат несреден љубовен живот, многу разочарувања, чувство дека никој не ги сака. Доколку не работат сериозно на себе во откривањето на мотивите на нивните постапки, постои опасност да се соочат и со психички проблеми или да се оддадат на алкохол и дроги. Би биле одлични и како сликари и музичари.

 

 
 
Регистрирано во Македонска Авторска Агенција
под реден број 970 Скопје
 
Ниту еден дел од овој текст не смее да биде препечатуван, копиран или објавуван во било која форма или на било кој начин во електронските или печатените медиуми, без писмена согласност од авторот.
Недозволеното репродуцирање се казнува со закон.
 

Изгледот на страницата одговара за Девиците. За да изберете друг изглед на страницата, кликнете во табелата што се наоѓа погоре.


Дознајте дали сте типичен претставник на вашиот знак.
Направете го овој тест.


Вашата Натална Карта на Астроскопиа ќе ви помогне

радикално да го подобрите вашиот животВашата Натална Карта на Астроскопиа ќе ви открие кој е вашиот идеален партнер, како се однесувате во љубовта и сексот, зошто секогаш привлекувате одреден тип на личности и како можете да го подобрите својот љубовен живот.


Ова се вистинските зборови што ја опишуваат наталната карта што ми ја изработивте: Наталната карта на Астроскопиа е шлаканицата што ви е потребна да го направите квантниот скок во вашата судбина. Големо благодарам што ми помогнавте да живеам со ширум отворени очи! 

Сања С., Скопје


Зачленете се тука за да можеме да ве информираме секогаш кога ќе имаме нешто ново.


Општи прашања и коментари за Астрологот. (Доколку имате лични прашања, одете на страницата Совети.)


© 2005-2020
Виолета Марсол
Сите права се задржани

Насловна страна | Знаците и... | АстроПортети | Натална Карта | Детски Хороскоп | Љубовен Хороскоп | Бизнис Хороскоп | АстроСовети

Насловна страна Знаците и... АстроПортети Натална Карта Детски Хороскоп Љубовен Хороскоп Бизнис Хороскоп АстроСовети Овен Бик Близнаци Рак Лав Девица (тековен стил) Вага Шкорпија Стрелец Јарец Водолија Риби