In English

En français

Говорот
на Судбината

Барате одговор на некое прашање? Треба нешто да одлучите а немате со кого да се посоветувате?
 
Кликнете на Книгата...

Останати теми:

Мое гледање на Астрологијата

Астролошките сајтови


Кога умира душата?

Колку трае еден ден на секоја планета

Крадци

Светот е глобално ријалити шоу

Луѓето се како очи

Убавите круши...

Како да знаеме дали е наше тоа што ќе дојде

Ретрограден Марс во Овен

Најголемата слабост на секој знак

Бони и Клајд

Несудената Фрида Кало

Јуни 2020 - Месец на две Еклипси

Сите бои на Виножитото

Љубов, Ах Љубов

Човекот наречен Надеж

Сатурн во Водолија

Ретрограден Меркур во Риби

Француски бакнеж

Годишен хороскоп за 2020 година

Ни претстои неочекувано среќен период

Во што се крие благословот

Ретрограден Меркур во Шкорпија

Што ќе ни донесат ѕвездите во октомври 2019?

Венера во Вага - Време за Љубов

Млада Црна Месечина на 30 август 2019

Немаш ни благодарам

Ќе ја сретнеш својата судбина

Ни на Небо, ни на Земја

Затемнување на Месечината на 16 јули 2019

Не ја мати водата

Ретрограден Меркур во Лав И Рак

Талентот е Божји дар

Вера, Надеж и Љубов

Сиротата мала богаташка

Ѕвезденото небо над светот во јуни 2019

Двете Марии

Скршеното огледалце

Цветна, Сина Месечина на небото на 18-ти мај

Министерот со шешир и темни очила за сонце

Ѕвезденото небо над светот во мај 2019

Љубовта е во воздухот

Нека го фрли првиот камен...

Ќерката на офицерот со ружи

Ретроградни планети - што ќе ни донесат?

Ѕвезденото небо над светот во април 2019

Кралот на Троседот

Оној што спасил живот

Ветената Земја

Ретрограден Меркур во Риби

Сатурн коњукција Плутон

 
Објавено на 13.04.2019 во 21:00

Сатурн коњукција Плутон - Ќе се повтори ли СФРЈ на Балканот?
 

Во историјата на човештвото, секогаш кога Сатурн бил во неповолен аспект со разорниот Плутон на небото, на Земјата се случувале војни, економски кризи, земјотреси, вулкани, поплави, пожари. Секогаш се уривале старите системи и традицијата за, од пепелта на разрушеното, одново да никне некое ново општествено уредување, нова држава, нов распоред на политичките и воени сили, нови сојузи меѓу државите, нова финансиска политика, нови погледи на светот.

Како доказ за ова мое тврдење нека послужи фактот дека Првата Светска Војна е започната кога Сатурн и Плутон правеле коњукција, на 28-ми јули 2014 (Сатурн на последните степени на Близнаци, Плутон на првиот степен од Рак). Додека еден од најразорните земјотреси во дваесеттиот век, од 7 степени според Меркалиевата скала, бил оној на 4-ти октомври 1914 година во Турција, кога Сатурн и Плутон биле во егзактна коњукција во Рак.

Големата светска економска криза во октомври 1929 година е почната повторно кога Сатурн правел затегнат аспект со Плутон (Сатурн на последните степени од Стрелец кон Јарец во опозиција со Плутон од Рак). А, во 1931 година поплави од невидени размери во Кина однеле 2,5-4 милиони животи (Сатурн од Јарец и понатаму прави опозиција со Плутон од Рак).

Одиме понатаму, Втората Светска Војна е започната во септември 1939 година. Тогаш Сатурн од Бик правел квадрат, затегнат аспект, со Плутон од Лав. А, запршка на манџата додал Уран кој, како и сега, се наоѓал во Бик.

Во нашето поблиско минато, последниот пат кога Сатурн беше во Јарец, од февруари 1988 до февруари 1991, се случија низа настани кои имаа домино ефект во уривањето на светот што дотогаш го познававме. Се случи распаѓањето на тогашниот СССР, на земјите од Варшавскиот Пакт, беше срушен Берлинскиот Ѕид, се распадна СФРЈ. Всушност, се распадна едно општествено уредување познато под името социјализам. Овие драстични прекројувања на картата на светот направија уште подраматична промена во рамнотежата на силите, и политички и воени, во поновата историја. И замислете, тогаш бевме поштедени од уште пошокантни настани, бидејќи во Јарец се наоѓаше само Сатурн, додека Плутон беше во нему пријателската Шкорпија. Тука е интересен податокот дека Берлинскиот Ѕид и се изгради и се сруши додека Сатурн беше во Јарец. Се изгради во 1961 година, а беше срушен на 9-ти ноември 1989.

Зошто Сатурн и Плутон се поврзуваат со овие разурнувачки настани?

Од астролошки аспект, Сатурн е поврзан со градењето на структурата и формата, со дисциплината, контролата, парите и моќта. Кога е во Јарец, тој е во своето седиште, свој на своето, господар на времето, реализатор на судбината, тој гради и го руши она што некогаш го изградил. Плутон пак е оној кој ги разурнува застарените форми, тој е експлозија, тој го принудува човека да допре до својата потсвест, да ги открие своите стравови и тајни, да ги извади на површина, да се трансформира во посовршена форма. Кога Сатурн е во коњукција со Плутон (се наоѓаат во иста линија), и двете се кармички планети, тие ги активираат судбинските настани и тогаш се случува внатрешен конфликт, и во секој човек и во општеството како целина.

Од една страна е желбата на човекот за личен развој, благосостојба, моќ. Но, бидејќи сите ние живееме опкружени со други луѓе, како енергетски сврзани садови, сакале или не, си влијаеме еден на друг. Па, здрави сме, ние лично и општеството во кое живееме, само кога ја преземаме одговорноста за сопствените постапки, кога соработуваме со другите луѓе, кога взаемно си помагаме. На овој план Сатурн и Плутон би требало да предизвикаат конфликт, во нас лично, но и во функционирањето на општеството, со цел да се ослободиме од старото, од непродуктивниот и застарен начин на размислување и однесување, од она што повеќе не ни служи и да прераснеме во нешто посовршено, да ја трансцендираме нашата свест.

Овој конфликт што ќе го предизвика коњукцијата меѓу Сатурн и Плутон, би требало да предизвика некаков вид на трансформација на владите, државните служби, финансиите, доброволно или по насилен пат. Би требало да има пожари, несреќи во рудници, земјотреси, зголемена омраза меѓу луѓето, злоупотреба на моќта и корупција од највисоки размери. Но, од друга страна, овој аспект ќе биде одличен за напредокот на индустријата, квантната медицина, технологијата на рециклирање на отпадот, генетиката, рударството.

Кога ќе се случи коњукцијата на Сатурн и Плутон?

Коњукцијата веќе се случува од март 2019 година. А, ќе биде актуелна и во април и јуни 2019. Сепак, таа својата кулминација ќе ја доживее во периодот од 20-ти декември 2019 до 1-ви февруари 2020 година.

Кои земји би требало да бидат најзасегнати од коњукцијата на Сатурн и Плутон во Јарец?

Најзасегнати од случувањата предизвикани од коњукцијата меѓу Сатурн и Плутон би требало да бидат сите земји кои се под влијанието на знакот Јарец, заради датумот кога се формирани или заради нивната местоположбата и конфигурација. Потоа, земјите Ракови, Овни и Ваги. Како најистакнат репрезент на Јарецот се земјите од Балканскиот Полуостров, како и сите земји кои се наоѓаат на ридести, каменести и неплодни предели (Авганистан, Индија, Сибир, Тибет, Боливија). Земјите хороскопски Ракови се: Америка, Шкотска, Холандија. Земјите Овни: Германија, Англија, Данска, Шведска, Франција, Јапонија, Палестина, Венецуела, Сирија, Австралија. Земјите Ваги: Кина, Австрија.

На што би требало да не научи коњукцијата меѓу Сатурн и Плутон?

Аспектот Сатурн коњукција Плутон, секогаш покажува дека нешто завршува, некој период од нашиот живот, начинот на кој до тогаш сме живееле, нашите размислувања и однесување. Нешто е бесповратно завршено и ние ќе мора да се ресетираме, за да можеме да се прилагодиме на новите услови за живот. Ваквата трансформација ќе биде потребна во сите сфери на општеството во кое живееме. А, бидејќи коњукцијата се случува во Јарец, кој е господарот на формата и кристализацијата, тоа значи дека ќе се уриваат старите форми (држави, сојузи, правила, убедувања, системи) за да се случи воспоставување на нови.

Ќе бидеме принудени да се дисциплинираме и да ги прифатиме сопствените граници. Ќе мора секој од нас и целото општеството да ја прифати одговорноста за сопствените постапки и за она што се случува на Земјата. Почнувајќи од насилството, загадувањето, климатските промени, до одговорноста за сопственото и туѓото здравје. Ќе мора да се научиме на почитување кон себеси и кон другите, кон сопствениот и кон туѓиот живот. Без разлика дали е тоа живот на човек, растение, животно, животот на нашата планета. Ако не сме доволно свесни да го направиме тој процес доброволно, тогаш Земјата ќе биде принудена со сопствени сили да бара начин да се ослободи од притисокот кој со векови го потиснува во себеси и на површина да ја исфрли сета нечистотија преку вулкани, земјотреси, цунами и поплави.

Веќе сигурно претпоставувате дека одговорот на прашањето од почетокот на текстот: „Дали ќе ни се повтори СФРЈ на Балканот?“, зависи од нас самите. Сега, ние, народите на Балканот, кои се калевме низ разорната братоубиствена војна во СФРЈ во деведесеттите години на дваесеттиот век, ние сега ќе го полагаме дипломскиот испит на тема добрососедски односи, рационално однесување за сметка на импулсивноста, заедништвото наспроти поделбите, прифаќање на новото наспроти традицијата, за која што писателот Добрица Ќосиќ вели: „Традицијата е магацин на најдени работи, од кој секој го зема она што му се допаѓа.“

Ако е така, ајде тогаш да го земеме само она што не соединува, а не она што не разделува. Ајде да се надминеме себеси и сопствените слабости и да трансцендираме во подобри луѓе исполнети со љубов еден за друг, а не со омраза. Во спротивно, ако самите не се научиме на тие вредности, случувањата кои ќе бидат надвор од наша контрола, ќе не научат на нив. Во тој случај, повторно ќе се докаже веродостојноста на мислата излезена од перото на великиот Иво Андриќ кој вели:

„Ништо повеќе не ги зближува луѓето, од среќно преживеана несреќа.“

Ни посакувам среќно да се зближиме без несреќа.

Виолета С. Марсол

 

 
 
Регистрирано во Македонска Авторска Агенција
под реден број 970 Скопје
 
Ниту еден дел од овој текст не смее да биде препечатуван, копиран или објавуван во било која форма или на било кој начин во електронските или печатените медиуми, без писмена согласност од авторот.
Недозволеното репродуцирање се казнува со закон.
 

Изгледот на страницата одговара за Девиците. За да изберете друг изглед на страницата, кликнете во табелата што се наоѓа погоре.


Дознајте дали сте типичен претставник на вашиот знак.
Направете го овој тест.


Вашата Натална Карта на Астроскопиа ќе ви помогне

радикално да го подобрите вашиот животВашата Натална Карта на Астроскопиа ќе ви помогне да ги откриете причинско-последичните врски меѓу вашиот минат и сегашен живот, ќе ви открие што се случувало во вашиот минат живот, како тоа се рефлектира на вашето однесување и на случувањата во сегашниот и која е целта на вашето раѓање.


Наталната карта што ја добив е фантастична!
Ви благодарам многу што ми го подаривте огледалото на мојот живот :) 

Виктор К., Скопје


Зачленете се тука за да можеме да ве информираме секогаш кога ќе имаме нешто ново.


Општи прашања и коментари за Астрологот. (Доколку имате лични прашања, одете на страницата Совети.)


© 2005-2020
Виолета Марсол
Сите права се задржани

Насловна страна | Знаците и... | АстроПортети | Натална Карта | Детски Хороскоп | Љубовен Хороскоп | Бизнис Хороскоп | АстроСовети

Насловна страна Знаците и... АстроПортети Натална Карта Детски Хороскоп Љубовен Хороскоп Бизнис Хороскоп АстроСовети Овен Бик Близнаци Рак Лав Девица (тековен стил) Вага Шкорпија Стрелец Јарец Водолија Риби